Xefi Guvernu informa katak orgaun elitorál CNE no ESTAE inkui husi parte siguransa oras ne’e dadaun esforsu an no garante katak elisaun ba Prezidensiál iha tinan ida ne’e sei lao ho susesu.
“Iha Tinan kotuk ita realíza elisaun suku ho susesu, ita nia povu Timor-Leste hatudu ona sira nia maturidade no ezemplu ne’ebe diak ba sira an rasik no mos ba mundu, hau fiar katak iha tinan ida ne’e elisaun Prezidensiál mos sei lao ho diak ” Tenik PM hafoin hasoru malu ho Xefi Estadu iha loron kuarta 1/2/17, iha Palasiu Prezidenti Aitarak-Laran.
Alem ida ne’e guvernu mos oras ne’e dadaun halo ona preparasaun hodi fo posse ba prezidenti foun ne’e sei realiza iha loron 20 fulan Maiu iha komemorasaun loron restaurasaun Independénsia ba dala 15.
