Radio Liberdade Dili

Radio, online – Deputadu Parlamentu Nasional Inacio Moreira ho Agusto Tara sei la fiar ba Deklarasaun politika husi Primeiro Ministru Kay Rala Xanana Gusmao, dehan ahi eltrisidade monu iha data 27 Novembru tinan ne’e sei lakan total iha teritoriu tomak.

Deputadu nain rua ne’e hato’o kestaun ne’e ba jornalista iha uma fukun PN Kuarta, (29/6).

Tuir deputado Fretilin ne’e, elisaun besik ona mak ema ida idak defende an . husi AMP Komesa identifika ona ididak nia program.

Iha area eletrisidade CNRT mak toma konta, iha area agrikultura  PD mak tau matan. Maibe programa sira ne’e lolos AMP nia tomak, laos partido nia.

Tamba ne’e Deputado ne’e husu ba partido politika sira, atu lalika buka hadaun moris maibe tau ukun ne’e tenki ukun ho laran .  Tuir Inacio durante ne’e tuir nia hare, problema kona ba eletrisidade ne’ebe mate lakan  hela deit.

“Ami Fretilin nia hanoi se-semak ukun  tenki iha sentido halo dezenvolimentu halo didiak, ida ne’e mak importante liu ,“ Inacio rekomenda.

Iha fatin hanesan Deputadu husi PSD, Agusto Tara la fiar ahi eletrisidade sei lakan total iha tinan, fulan Novembru main ne’e. Tara mos la konkorda ho programa ne’ebe mak lao dadaun ne’e CNRT nian deit, maibe programa politika partido lima nian ne’ebe forma AMP.

“Hau husu deskulpa ba mau bo’ot Xanana tamba lolos ne’e  programa sira ne’ebe implementa balun ona ne’e AMP nian, laos CNRT nian deit. Hau senti triste ho deklarasaun ne’ebe dehan ahi sei lakan total iha tinan ne’e,”Tara kestiona.

Antes ne'e mos Ministru Infrastrutura Pedro Lay promete ba  povu katak, ahi eletrisidade sei lakan total iha 27 de Novembru.

"Ami esforsu sei lakan total, tanba agora dadaun tore kuaze atu haleu ona teritoriu tomak,"dehan Lay foin lalais ne'e .