Get Adobe Flash player

V Governu Konstitusional iha OJE 2013 ba area Infrastrukturas

Radio, online - Online - Opiniaun ne'e ninia kontiudu tomak responsavel husi hakerek nain. Redasaun fo pasu menu ne'e hodi ejerse ema no instituisoens nia hanoin no ideias konaba asuntu ruma ba prosesu dezenvolvimentu Timor Leste.

Submisaun Luta Hamutuk:

“Proposta Projetu Lei No 2/III/ (Ia) Orsamentu Jeral Estadu (OJE) 2013”.

Politika Orsamentu Seitor Infrastruktura.

Iha propostaOrsamentu Jeral Estado Tinan Fiskal 2013, V Governu Konstitusional kontinua halo investimentu ba area infrastruktura nebe nudar prioridade nasional iha planu governu. Intermus infrastruktura alokasaun orsamentu liu husi  kapital dezenvolvimentu durante ne’e gasta ona biliaun US$2.3.

Maibe realidade kontinua hatudu katak infrastruktura bazika iha teriroriu tomak nafatin sai preokupasaun povu tomak. Infrastruktura nudar prioridade nasional nune  iha tinan 2013 Governu propoin atu aloka tan orsamentu ba infrastruktura hamutuk miliaun US$ 891.8 

Tama ba tinan 2013 Governu hamosu programa desenvolvimentu foun rua nebe deklara tiha ona husi IV Governu liu Resolusaun no. 2/2012 nebe hanaran Programa Nasional Desenvolvimentu Suku(PNDS) hodi troka Programa PDL no DL no. 4/2012 konaba Programa Desenvolvimentu Integradu Distrital (PDID) nebe sei akumula PDD 1 no 2 .

Tuir livru OJE No.3 (alokasaun Distritu) mensiona katak ba tinan 2013, governu sei aloka orsamentu ba PDID hamutuk miliaunUS$93.3 (miliaunUS$68.2 ba projetu foun no reapropriasaun miliaunUS$25.1 hosi PDD 1 & 2 tinan 2012).Ba PNDS hamutuk miliaunUS$7.9 (MiliaunUS$6.5 ba PNDS no reapropriasaun miliaunUS$1.5 hosi PDL 2012).

Liu husi proposta OJE No.6 katak IV Governu sei kontinua propoin orsamentu hamutuk miliaun US$752.9 ba iha Fundu Infrastruktura hodi finansia projetu multi annual sira. Totalidade husi orsamentu ne’e nia alokasaun barak liu ba iha projetu sira mak hanesan Projetu Eletrisidade (23.1%), Tasi Mane (18,5%) no Estrada (15,4%). Distribuisaun despeza- hanesan nee tuir polítika- Governu nian ho PED no nia programa fo importânsia ba setor- hirak ne’e ba Timor-Leste nia dezenvolvimentu.

Pontus intervensaunno Rekomendasaun Luta Hamutuk ba politika orsamentu infrastruktura tinan fiskal 2013:


1.    Kapasidade Ezekusaun Orsamentu

Tuir Luta Hamutuk nia observasaun durante ne’e ba planeamentu no implementasaun orsamentu infrastruktura durante ne’e hatudu katak, governu sidauk iha kapasidade nebe naton atu halo jestaun nebe efektivu no responsivu ba orsamentu nebe bot iha area infrastruktura.

Nune orsamentu nebe durante ne’e investe iha area infrastruktura sidauk bele responde preokupasaun povu durante ne’e, liu-liu iha infrastruktura bazika hanesan Estrada, ponte, eletrisidade, saude, edukasaun, agrikultura, bemos no sst.

Realidade ne’e Luta Hamutuk identifika bazeia ba monitorizasaun durante ne’e ba iha planeamentu no implementasaun projetu PDD, PDL no Projetu Annual (mega project) mak governu implementa tiha ona.

Tuir Luta Hamutuk nia observasaun katak osan nebe la uza ho konta bankaria Governu nia nebe hamutuk miliaun $409.8 nebe reorsamenta ba anu fiscal 2013 atu finansia défise orsamentu ne’e, nudar parte ida husi INKAPASIDADE governu iha prosesu planeamentu no implementasaun planu.

Tamba orsamentu nebe’e mak reapropia ne’e nudar osan restu no osan husi projetu balun nebe kansela iha tinan 2012. Maske mayorparte projetu nebe planea iha 2012 konsege implementa balun, maibe projetu barak mak mos laiha kualidade nune laiha impaktu ba povu nebe nudar benefisiariu husi distribuisaun rikusoin.


2.    Aprovsionamentu ba infrastruktura

Iha prosesu ezekusaun projetu infrastruktura Governu laiha disiplina no komitmentu atu servisu tuir meknismu aprovsionamentu nebe estabelese tiha ona ho nia enkuadramentu legal.

Tamba tuir Luta Hamutuk nia monitorizasaun durante ne’e indentifika katak iha projetu infrastruktura Estrada, ponte no uma (edifisiu) balun nebe mak nia implementasaun la transparante no la akuntavel tuir padraun aprovisionamentu publiku. Exemplu; rehabilitasaun Estrada nasional iha Dili, konstruksaun Ponte Comoro, konstruksaun Portu Naval Hera, konstruksaun Residensia Ministeriu das Financas no sst.

Implementasaun projetu hirak ne’e Luta Hamutuk konsidera governu halo mal jestaun ba despeza estadu. kondisaun ida ne’e mos hatudu katak maske governu rasik kria sistema aprovisionamentu maibe iha nivel implementasaun sistema aprovsionamentu la funsiona ho maximu.  

Maske governu estabelese tan forma foun ba projetu PDD no PDL hanesan PDID no PNSD, Luta Hamutuk observa katak politika ida ne’e sidauk bele garantia objektivu seitor infrastruktura, wainhira sistema planeamentu ne’e rasik sidauk diak no la responsivu. Tamba realidade nebe hatudu durante 3 (hahu 2010-2012) katak projetu PDD no PDL barak mak kanseladu, laiha kualidade no balun la responde nesesidade povu iha area rurais.


3.    Fundu Infrastruktura:

Luta Hamutuk hakarak husu ba Governu liu-liu orgaun nebe mak kompetente atu klarifika montante orsamentu balun nebe mensiona iha livur OJE No. 6 (Fundu infrastruktura) mak hanesan reapropriasaun no aumentus ba Programa Dezenvolvimentu Urbanu no Ruralnebe hamutuk miliaun US$7.576. Tamba projetu ne’e rasik tuir proposta katak orsamentu mak aloka iha tinan 2012 ne’e la konsege ezekuta (0%), maibe iha

Tinan 2013 governu propoin tan aumentus orsamentu ba programa idane’e hamutuk rihun atus US$500.  Sobre programa mak reapropria ne’e akontese mos ba programa seitor Aeroportus nomos orsamentu ba preparasaun de dezenuse Supervizaun projetu foun, nebe mos la konsege ezekuta nune presiza iha klarifikasaun antes atu aprova.

Luta Hamutuk mos kestiona aumentus alokasaun orsamentu ba Programa Defesa e Seguransa iha Fundu Infrastruktura. Tamba saida maka despeza ba orsamentu hamutuk US$12.622 ba programa ne’e nia ezekusaun iha tinan 2012 la to’o metade, maibe governu kontinua propoin atu aumenta tan orsamentu foun nebe nia valor bot liu fali alokasaun tinan 2012 / ho total proposta hamutuk miliaun US$20.900 inklui programa audisional hamutuk miliaun US$13.120 ironi liu mak proposta kontinuasaun projetus ne’e mos bot liu fali alokasaun 2012 nian nebe la konsege ezekuta hotu.

Luta Hamutuk husu ba Governu, liu-liu ministeriu Obras Publika atu klarifika aumentus orsamentu foun iha 2013 ba projetu Estrada balun mak hanesan Reabilitação de Estradas Maubarra-Loes 13 km, nebe iha tinan 2013 sei hetan aumentus orsamentu foun hamutuk miliaun US$7.500 nebe mak iha tinan 2012 projetu ne’e aloka ona orsamentu hamutuk miliaun US$ 3,659.10Luta Hamutuk kestiona aumentus ne’e tamba projetu Estrada nasional hotu-hotu nebe aprova ba 13 Distritu tinan 2012 maske nia implementasaun kontinua ba tinan 2013 maibe laiha aumentus orsamentu.

Tuir proposta Governu katak sei aloka tan dotasaun orsamentu foun iha tinan 2013 ba item projetu mak hanesan Manutenção periodica de estradas hamutuk miliaun US$5.000 ba orsamentu ne’e Luta Hamutuk hakarak husu ba Ministeriu Obras Publika atu halo review ba kaulidade kompania nebe mak durante hetan kontratu ba projetu manutensaun Estrada, atu nune orsamentu ne’e bele fo benefisiu ba povu no iha kualidade projetu ba longu praju. Tamba realidade hatudu katak manutensaun Estrada iha Kapital Dili nebe implementa husi Kompania Estada Boot sidauk to tinan ida maibe komesa at fila fali kuaze 70%.

4.    Programa Transferensia Publika:

Iha livru OJE No.3 Luta Hamutuk identifika katak alokasaun orsamentu liu husi programa Planu Nasional Dezenvolvimentu Suco (PNDS) kria diskriminasaun entre Distritus.

Tamba tuir dadus nebe mak iha hatudu katak iha proposta alokasaun orsamentu PNDS (Orsamentu Fsiziku) ne’e, aloka deit  ba iha Distritu 4, nune iha Distritu 9 mak la hetan alokasaun orsamentu fiziku. Tamba ne’e antes PN atu aprova orsamentu ne’e, Governu presiza klarifika ba publiku ka ba Distritu ou Suco nebe mak laiha alokasaun, atu nune Orsamentu Jeral do Estado ne’e rasik labele kria fali desintendimentu iha nivel rurais.


5.    Projetu Emergensia

Fenomena infrastruktura mak durante ne’e akontese iha Timor Leste mak hanesan Projetu Emergensia nebe laiha baze fundamentu. Tuir dadus nebe Luta Hamutuk identifika iha liu husi Porta Governu hatudu katak Hahu husi 2008 ate 2011, projetu mak tenderiza liu husi aprovsionamentu hamutuk 279 projetus.

Husi total projetus ne’e iha 77 projetus mak implementa nudar projetu EMERGENSIA. Luta Hamutuk husu ba Parlamentu Nasional espesialmente Komisaun-E. atu halo kontrolu forte ba servisu aprovisionamentu / tenderizasaun projetu infrastruktura atu bazea nafatin ba Rejimentus Juridiku Aprovisionamentu nebe regula rekezitus Projetu Emergensia.

Tamba tuir Luta Hamutuk nia observasaun ba projetu emergensia barakmak la priense rekezitus nebe mensiona iha Dekretu Lei Rejimu Juridiku Aprovisionamentu.

Luta Hamutuk mos hakarak rekomenda ba insituisaun sira nebe mak halao knar kontrolu hanesan Agensia Dezenvolvimentu Nasional (ADN), Comisaun Nasional Aprovisionamentu (CNA),  Comisaun Administrasaun FUndu Infrastruktura (CAFI) nomos orgaun nebe halao jere PDD mak hanesan Komisaun Dezenvolvimentu Distrital (KDD) atu maximiza nia funsaun hodi asegura transparensia no kualidade projetu infrastruktura iha nivel nasional no rurais.

6.    Mekanismu Pagamentus ba kontrator

Tuir Luta Hamutuk nia monitorizasaun ba implementasaun projetu iha nivel Distritu, konsege indetifika kestaun balun nebe mak sai mos hanesan kauza projetu nebe failha no laiha kualidade, mak hanesan pagamentus ba kontrator nebe la haktuir mekanismu nebe regula iha Dekretu Lei PDD ka pagamentus husi Ministeriu das Financas sempre lao tarde. Tamba ne’e iha projetu barak nebe implementa husi kontrator lokal sempre hasoru desafiu no hetan failhansu iha implementasaun tamba deit laiha osan atu finansia projetu.

Tuir Luta Hamutuk nia analiza katak mekanismu nebe lao durante ne’e la koresponde ho objetivu programa PDD nebe mak mos atu kapasita kompania lokal, nebe politika ida ne’e ita konsidera nudar parte husi dezenvolvimentu seitor privadu hodi kontribui ba kresimentus ekonomia nasional.

Dili, 23 de Janeiro de 2013

Mericio Akara
Diretor Ezekutivu Luta Hamutuk

 

 

Notisia Popular

Provisaun Tempu

Donate us

Account Name: Radio Liberdade (RLD)
Account Number: 316945
Swift Code: ANZBTLDI
Name of Bank: Australian and New Zealand Bank (ANZ) in Dili, Timor-Leste


Tau ita nia endersu Email:

Latest News

Seg
Oct
13
2014
Fatima Afondo . 19 liuba (loron)
Seg
Oct
13
2014
Fatima AfonsoLakon Ou Manan, Ne’e Normal Iha Kompetisaun. Dili, Radio Online_Governu liu husi Sekretariu Estadu Joventude e Desporto halao kompetisaun Banda Muzika iha loron Sesta-feira 10/10/2014, iha Stadion Dili ne’ebe partisipa husi eskola sira ne’e . 19 liuba (loron)
Kin
Oct
09
2014
Maria Bibel . 23 liuba (loron)
Kin
Oct
09
2014
Fatima . 23 liuba (loron)
KWA
Oct
08
2014
Fatima Afonso . 24 liuba (loron)

Popular Semanal

Links