Partidu Demokrátika (PD) deklara Ofisiálmente kandidatu ne’ebe mai husi PD António da Conceicão, ho naran kodigo Kalohan , atu kompete núdar kandidatu Prezidenti Repúblika ba períodu 2017-2022.

Kandidatu António da Conceicão, afirma nia hakarak kompete iha elisaun  Prezidensiál  tamba atu  haburas demokrasia iha Timor-Leste no  hatutan luta nain sira nia luta durante ne’e.

“Hau nia kandidatura mai atu marka ejisténisa multi partidarizmu iha Timor-Leste  hodi haklaken nafatin ba mundu katak demokrásia nafatin buras iha ita nia rai, hau maubere oan hau deklra ba Timor oan tomak katak  hau prontu atu serbí” tenik  Kahohan iha Loron  Kint /2/2/17

Atual Prezidenti  PD , Adriano do Nascimento, iha nia diskursu kompromete  sei lao hamutuk ho  Kandidatu António da Conceicão, hodi kompete  iha elisaun Prezidensiál ne’ebe sei mai.

Entretantu koordenador  ekipa susesu , Arcanjio Leite,  afirma sei  kontinua esforsu hodi hetan konfiansa husi povu ba kanditadura, António Conceicão,  hodi serbí nasaun povu Timor tomak.

António da Conceicão, informa liu tan nia mos hetan apoiu husi Eis Prezidenti , José Ramos Horta, no hetan apresiasaun  mos  husi parte igreja.

Hafoin hala’o deklarasaun ofisiál iha sede  PD Comoro iha parte Loraik kandidatu  hamutuk ho ekipa susesu  ba registu iha tribunál ho apoiantes hamutuk 9.500  sia (rihun atus lima).

Kanditadu Prezidenti António Conceicão moris iha suku Loerema, Postu Administrativu Bazartete, Munisípiu Likisa , iha tinan 1964, no hasai  nia masteradu iha  area Relasaun Internasional no Estudu Estratéjikus,  iha Lancester Univerty,  Inglatera.

Oras ne’e dadaun nia kaer pasta nudar Ministru Koordenador asuntu sosiais no Ministru Edukasaun iha VI guvernu konstituisional.

Primeiru Ministru,  Rui Maria de Araújo, hasoru malu ho Xefi Estadu,  Taur Matan Ruak,  hodi koalia konaba  guvernu  nia Preparasaun iha elisaun Jeral ba Prezidenti Repúblika ba tinan ida ne’e.

Lee+

Kuarta Feira 1/2/17 Comição  Nasionál das Elições  (CNE), realiza enkontru ho instituisaun relevante hodi koalia konaba debate publiku ba kandidatura Prezidenti Repúblika (PR) ba períodu 2017-2020. 

Lee+

Kooperativa kréditu Uniaun Dadirah lansa sistema aplikasaun foun hodi fasilita atendemetu ba membru sira hodi asesu konabá sira nia fundus ne’ebé rai iha kooperativu.

Iha entrevista, Diretor  Kooperativa kréditu Uniaun Dadirah,  João Manuel Belo, informa Dadirah uza aplikasikasun foun ho naran https://apps.sicuntiles.org  ne’e  tamba iha benefisiu ba membru no mos Jerente koperativa sira atu produz relatoriu ho sistéma otamatiku.

“uza sistema ne’e atu fasilita ami Produz relatóriu tamba sistéma otamátiku no membru sira mos bele asesu liu husi telemóvel android sira , membru sira bele hatene sira nia osan hira mak iha kooperativa, sira bele hatene sira nia debe hira mak seidauk selu,   uluk membru sira mai iha ne’e mak ami foin loke komputador hodi sira bele hatene maibe agora sira iha nebe deit sira bele asesu ” tenik diretor  iha edifisiu Dadirah 28/1/2017.

Iha biban ne’e Kooperativa kréditu Uniaun mos realiza asembleia jerál ba dala VIII hodi koalia konabá dezáfiu no preogresu sira ne’ebé durante Kooperativa kréditu Uniaun hasoru no planu ba tinan 2017 ne’ebé sei mai.

Partisipa iha lansamentu ne’e, Ministru Komérsiu Indústria no Ambiente, Constancio Pinto, ne’ebe hanesan mos orador no mos membru husi koperativu ne’e rasik.