Ekipa Football Nasional Timor, Desloka Ba Mongolia

Dili, Radio Online- Ekipa Football Nasional desloka ba Mongolia iha sabadu semana kotuk hodi joga hikas kontra adversariu ne’e, ne’ebe sei realija iha Mongolia iha loron 17/3/15.

 Iha Biban ne’e Prezidente Federasaun Futebol Timor-leste, Kalbuady Lay hateten, agradese tamba marka tan pasu ida no espera sei lori vitoria fila mai Timor, “espera imi sei fila ho Vitoria foun ida tan ba ita nia povu Timor-leste, liu-liu ita nia adeptus Timor oan sira”, dehan Lay.

Iha Fatin hanesan Sekretariu Jeral FIFA  Amandio Sarmento, espera mos katak iklima iha Mongolia sei la fo impaktu ba jogador sira, “ita nia jogador sira ba sedu hodi deskansa iha Bali, depois mak sira aranka fali ba Mongolia, tamba dook, kuaze oras sanolu liu, ita espera katak klima iha ne’eba la fo impaktu ba ita nia jogador sira, para bele manan ou impata”, dehan Amandio.

Amandio dehan tan, “ita manan ona 4-1 iha ita nia uma rasik hasoru Mongolia, maibe Kuandu ita nia selesaun lakon 3-0, kerdizer Mongolia mak sei avansa ba II ronde,Tamba ita nia klima ne’e diferente tebes”.