ASEAN University Game, Iha Singapura, Federasaun Desportu Akademiku, Hetan Medalia Hat

Dili, Radio Liberdade Online_Iha mensajen Boas Vindas ba atleta sira ne’ebe fila husi Singapura, iha loron 21/7/2016, iha sala sorumutu Airo Portu Presidenti Nicolau Lobato, Secretária de Estado para o Apoio e Promoção Socio-Económica da Mulher, Veneranda Lemos Martins, reprejenta Secretário de Estado da Juventude e Desporto haktuir nia parabeins ba Federasaun Desportu Akademiku.

“Timor Leste marka istoria idatan, iha area desportivas ninian, husi Federasaun Desportiva Akademiku, ita persija atu fo parabeins ba Universidade Timor laran tomak, katak ho sira nia esforsu bo’ot , maka ohin it abele hetan rejultadu ne’ebe diak teb tebes ba ita Timor Leste, mesmu ke Federasaun ida ne’e foin mak hari iha ano 2014, iha deit tinan 2 nia laran, Federasaun servisu hamutuk ho Sekertariu Estadu Juventude Desportu, bele produs buat ne’ebe diak teb tebes ba Timor Leste, e juventude hatudu sira nia kontribuisaun  ba dejenvolvimentu desportiva, husi parte Governu ninian hau reprejenta Sekertariu Estadu Juventude Desportu interina, hakarak fo parabeins ba Universitariu tomak iha Timor laran liliu ba ita nia Jogadores sira ne’ebe ke reprejenta universitariu iha Timor laran, feto no mane, ida ne’e mak ita nia kontribuisaun  e povu Timor laran tomak hein joven nia kontribuisaun,” dehan Veneranda.

Shefi Delegasaun Atleta Timor iha nia deskursu isplika rejultadu ne’ebe atleta sira hetan iha ASEAN University Game, “Ami nia target iha ASEAN University Game ida ne’e, minimu ami tenta atu hatama golu, iha foot ball karik, tamba iha pasadu ita nungka hatama golu, nen golu ida hatama ba ema seluk nia ekipa, tamba ne’e ami tenta oinsa minimu ita hatama golu, saida mak akontese, laos deit hatama golu, ita mos konsege manan iha jogu balun, iha foot ball  karik, iha joga hasoru Myanmar, ita konsege manan ho 5-1, ami senti hakfodak, ami rasik mos senti hakfodak, tuir fali mai ita manan Laoz ho 5-2, ho ida ne’e ita abanasa hanesan runner up iha faje grupu ninian, iha semi final ita hasoru Malaysia konsege manan Malaysia 2-1, ho ida ne’e ita konsege abansa ba final, iha final sofre golu 3, ita hetan medalia 4, medalia tolu husi atletismu, medalia 1 husi foot ball.” 

 Iha fatin hanesan, Reitor Universidade Nasiona UNTL, Francisco Martins, haktuir sentimentu orugulhu husi universidade ba susesu ne’ebe atleta sira atinji, “atleta sira, orugulhu bo’ot husi universidade tomak ne’ebe imi hamahan ba, hau nudar Reitor universidade Nasional Timor Lorosae, ho sentiment orugulhu tebtebes atu simu imi ohin loron ida ne’e iha Aero Portu Internasional Nikolau Lobato, Universidade hadiak imi iha aspeitu oioin, iha modalidade oioin, imi mos iha talent oioin, talent u ne’ene Universidade fo fatin para atu dejenvolve, balu husi desportu, tebe bola nian, balu husi atletismu, balu tuku malu nian, balu mos akademiku ninian, ulun fatuk ninian, ne’ebe Universidade kria buat oioin, hakiak buat oioin, eleva kualidade iha aspeitu oioin kedas, iha momentu ida ne’e ita senti orugulhu bo’ot ba ita nia atletismu ne’ebe partisipa iha ASEAN University Game.”