Dili, Radio Liberdade Dili -  Sekertariu Estadu de Múlher realiza enkontru Grupu Koodenasaun Jéneru ho parseria sira, iha salaun Maria Goreti, Caicoli, Dili, 22/7/2016, Liu husi enkontru ne’e,  SECRETARIA DE ESTADO PARA O APOIO E PROMOÇÃO SOCIO-ECONOMICA DA MULHER (SEM), Veneranda Lemos, afirma objectivu husi enkontru ne’e katak mak ,“atu diskuti konaba loron 16 ativismu Kampaña halakon violénsia hasoru feto, 25 Novembru-10 dezembru 2016, advokasia atu influensia planu asaun annual 2017, fahe informasaun konaba PAN –VBJ.”

Veneranda Lemos, afirma liu tan katak Sekertariu Estadu de Múlher hanesan instituisaun ne’ebe mak halo advokasia deit ho parseria sira no parseria sira mak hanesan liman ain no isin lolon tomak Sekertariu Estadu de Múlher ninian.

 “SEM ne’e hanesan instituisaun ne’ebe halo advokasia parseria ho ita bo’ot sira hotu kedas  mais dala ruma ne’e ita hare la hetan tamba nia halo advokasia deit, ita hare la hetan entaun ita komesa halo komentariu barak iha media sosial katak SEM la halo buat ida, se SEM la halo buat ida, entaun ita bo’ot sira mos la halo buat ida, tamba ita ne’e iha parseria, hanesan hau hateten beibeik, Ngo ou sosiadade sivil sira hanesan parseiru ba SEM,  liman, ain, tilun, ibun e isin lolon tomak estadu ninian, planu  ne’ebe violensia bazeia ba jeneru no promosaun igualidade ne’e laos servisu SEM  nian mesak.”