Dili, Radio Liberdade Online - USAID’s Avansa Agrikultura Project dala idatan realija sorumutu ho Klubu Matabisu Jornalista, iha 4/6/2016, iha salaun engkontru Avansa Agrikultur Project, Palm Business and Trade Centre, iha eventu ne’e koalia kona ba Kustumi Financial : Diak ou Ladiak.
Orador ba sorumutu ne’e mak Cassia D’Aquino, nudar edukadora no autora ba edukasaun finanseira, ne’ebe dadauk halao knar iha Avansa Agrikultura Project iha halo analija ba asuntu finanseiru iha Timor Leste.
Iha sorumutu ne’e, Cassia koalia liu kona ba Jestaun Ba Sasan Ekonomiku, Kapasidade Fianseira no Edukasaun Finanseira.
Alein de ne’e Cassia mos aprejenta rejultadu sorumutu ho foin sae Timor oan sira iha workshop ida ne’ebe halao iha fatin hanesan, maibe halao iha loron 3/8/2016 katak iha sorumutu ho foin sae sira ne’e identifika problema lima relasiona ho manajementu finanseiru mak permeiru menus konhesementu relasiona ho edukasaun finanseiru, segundu mak konsumu, terseiru mak relasaun social entermus cultural, Quatru falta planeamentu finanseiru ba eventu antisipada no ikus mak nesesidade ba hadia empregu ka kria empregu ba foin sae sira.
Cassia mos fahe esperensia ne’ebe nia iha no hetan durante halao knar iha area hanesan iha nasaun Angola.