Ohin, TTD hakotu Juga Gama nia vida

Radio online, JND – Tribunal Distritu Dili (TDD), Tersa ohin (1/10) sei hamonu sentesa ba arguido autor droga nain 7 inklui artista Juga Gama nia vida.

Sentesa TDD sei fo sai iha oras tuku 02:00 otl, liu husi leitura akordaun. Leitura ne’e sei lee husi juis prezidenti Jose Maria Araujo.

Antes ne’e, Ministeriu Publiku (MP) reprezenta husi Prokurador Oscar Tavares liu husi alegasaun, husu ba Tribunal atu aplika pena tinan 14 ba arguido nain 3 kompostu husi; Juga Frans Xavier Gama, Desi Alex Lenku (sidadaun Indonezia) hanesan arguido Juga Gama nia kaben nomos Sri Darmayanti (sidadaun Indonezia).

Iha parte seluk, MP husu ba Tribunal atu aplika pena kadeia tinan 12 ba arguido, Anastasio Pereira Suriano ho arguido Dionisio Francisco hanesan arguido Juga Gama nia rian, husu pena prizaun tinan 1 ka suspensaun ba arguida Nelia Maria de Oliveira ho pena tinan 2 ba arguido Lim Cien Chen (sidadaun Singapura).

Antes ne’e, iha primeiru julgamentu arguido Juga Gama, deklara ba Tribunal katak, Polisia halo duni kapturasaun iha loron 11 Dezembru 2012 iha ninia hela fatin. Iha momentu ne’e Polisia konsenge prende mos droga sabu-sabu kuaze 200 ital grama inklui osan.

Juga Gama hatete, droga ne’ebe mak nia hetan husi arguido Sri, ne’ebe informa dehan husi malae mak fo hodi lori ba uma. Maibe momentu neba Sri lori aimoruk droga ne’e ba iha uma, Juga Gama laiha, tanba ba toka iha festa. \

Juga Gama, rekoinese nia parte konsege komsume duni droga ne’e dala ida, fo mos ba arguido Anastacio nomos Dionisio, tanba sira nia ulun moras. Juga Gama konsege fo tan droga ne’eba arguido Dionisio kuaze dala hat ou lima. Droga nee Juga Gama fo gratis hanesan kolega.