LUGU Deklara Prontu Kandidata An ba Prezidenti

 

Atuál Prezidenti Partidu Frenti Mudansa, José Luís Guiterres  (LUGU)  prontu atu  kandidata-an ba Prezidenti Repúblika    Periode 2017-2022.

Jose Luis Guiterres, hato’o nia deklarasaun  ne’e liu husi konferénsia da imprensa iha kuarta Feira 25/1/17, iha gabinete Parlamentu Nasionál.

Nia deklara tan katak nia sei kandidata-an ho independente no prontu atu serbí povu Timor-Leste ho esperiénsia sira ne’ebé nia iha.

“hau kandidatu-an tamba konsensia laos ho ambisaun tan ne’e ho esperiénsia sira ne’ebe hau iha, hau sei utiliza hodi serbí povu Timor-Leste tomak”

Ikus liu nia afirma katak kandidatu ofisiál sei fó sai wainhira tribunál rekursu aseita kandidatura.

Molok ne’e José Luís Guiterres, asumi kargu nudar Ministru Negósiu Estranjeiru no Koperasaun iha  IV no V governasaun. Hafoin remodelasaun iha  fulan janeiru 2016,   kontinua hala’o kna’ar nudár  deputadu iha Parlamentu Nasionál, husi Bankada Frenti Mudansa.