Polisia Nasional Timor-Leste(PNTL) no Falintil Forsa Defeza Timor-Leste (F-FDTL) sei kopera hamutuk hodi asegura elisaun Jerál  Prezidénsial no parlamentári.

Asuntu ne’e afirma husi Ministru Interior, Longinhos Monteiro, akompaña husi ministru defeza, Cirilio  Cristovão, hafoin hasoru malu ho Xefi Estadu, Taur Matan Ruak, Iha Palasiu Prezidenti Aitarak-Laran kuarta Feira 25/1/17.

“Parte PNTL sei kopera ho F-FDTL karik iha situasaun balun prezisa no koordenasaun serbisu nafatin iha hodi asegura elisaun Jerál hanesan elisaun Prezidénsial no Parlamentár ne’ebe sei mai” tenik  Monteiro

Entretantu Prezidenti Repúblika, Taur Matan Ruak,  fo sai ona data fiksu ba elisaun jerál ba Prezidénsial nian no elisaun ne’e sei realiza iha loron 20 /03/17.

Prezidenti Repúblika Timor-Leste,  Taur Matan Ruak, husu ba entidades hotu atu serbisu hamutuk hodi kontribui ba paz no dezemvolvimentu iha Timor-Leste.

Xefi estadu hato’o asuntu hirak ne’e wainhira halo dialogo ho komunidade sira iha suku Kuluhun iha Segunda feira 23/1/2017.

“maske partidu ketak-ketak, relijiaun ketak-ketak maibe ita hakarak Timor lao ba oin ho nune’e Presija ita hotu nia serbisu hamutuk ”tenik xefi Estadu TMR iha nia diskursu.

Xefi estadu mos kontinua husu ba komunidade Kuluhun atu serbisu maka’as hodi hadi’a ekonomia iha uma laran  inklui tau matan ba oan sira nia edukasaun.

“Inan aman sira prezija dudu oan sira atu asesu ba edukasaun tamba sira mak kilat foun ba dezemvolvimentu nasaun ida ne’e” tenik Xefi Estadu

vizita Suku 442 iha teritoriu Timor-Leste nudar Programa Preoridade durante nia mandatu tinan lima nia laran no hela suku rua mak mak seidauk vizita.

\

Liu husi komunikadu imprensa segunda Feira loron 23/1/17,  Prezidente Taur Matan Ruak haruka ona karta  felisitasaun ba prezidente eleitu Estadus Unidus Amerika (EUA) Donald Trump hodi hato’o ninia disponibilidade ho determinasaun atu hakle’an liután relasaun ne’ebé metin entre Timor-Leste no Estadus Unidus Amerika .

Xefi Estadu  Taur Matan Ruak  hateten  kontinua  serbisu hamutuk ho Prezidenti eleitu Donald Trump hodi  hakle’an relasaun amizade entre Timor-Leste no Estadus Unidus no hasa’e tan kooperasaun iha nivel hotu-hotu hodi asegura pás, estabilidade no oportunidade dezenvolvimentu pasífiku foun hirak ba povu sira iha rejiaun no iha Mundu.

Xefi Estadu hateten Timor-Leste rekoñesimentu ba apoiu ne’ebé povu ho governu amerikanu fó ona ba Timór nia prioridade dezenvolvimentu sira liu husi agensia Internasional Amerika USAID nebe apoiu hodi dezenvolve ekonomia no hametin sosiedade sivíl hanesan buat murak ida ba Nasaun Timor-Leste ne’ebé kontribui atu diver­sifika tan ekonomia no halo nia sai produtivu no kompetitivu liután. Xefe estadu Taur Matan hakarak hametin liután ekonomia ida ne’e iha tinan hirak oin mai.

Ikus liu Xefi Estadu hato'o mos Parabens ba Susesu ne'ebé  Prezidenti Aktual Donald Trump hetan nudar Prezidente Amerika ba dala 45  hafoin Barack Obama.

Dili, Radioliberdadeonline - Sekretariadu tékniku administrasaun eleitorál (STAE) organiza enkontru hodi sosializa lei suku (no 9/2016) no mós fahe informasaun kona-ba ezbosu matadalan formasaun ne’ebé dezenvolve liu husi kooperasaun entre projetu USAID nian ba Distritu no STAE. Sorumutu ne’e hala’o iha salaun enkontru STAE nasionál Caicoli Dili (18/08/2016) ne’ebé partisipa husi koordenadór STAE munisípiu no funsionáriu STAE nasionál inklui partisipasaun husi koordenadór projetu ba distritu nian ne’ebé destaka iha munisípiu Baukau, Liquica, Kovalima, Ermera no mós Oecusse.

Lee+