Radio, online - Komisaun organizadora The East Timor mos sei konvida player freestyle nain lima (5) husi Grupo Jogja X – Treme Riders husi Indonesia maka hanesan,Ucok no membru balun hodi hola parte iha eventu dia 20 de Maio de 2013.
No husi DXR -TL nian maka player freestyle, Leo Moniz, Tito Martins, Delio Martins, Ajui Pereira, Jony Bairopite, Anima, Oki Moniz, Moza Martins no membru seluk tan.
“Ami joventude nebe iha talenta desportu area otomotif atraksi freestyle motor, tanba sira hakarak partisipa hodi anima povu iha festa 20 de Maio liu husi aktividade freestyle motor,” informa informaPortavoz DXR- JXR, Joel Exposto no Ruben Corte-Real ba jornalista iha sentru DXR Aitarak-Laran Dili, Sabdu (27/04).
Atu halao eventu ne’e, sira nia parte hahu hatama ona proposta balun ba governu inklui seitor privadu hodi bele apou fundus inklui material tekniku balun.
Joel dehan, Inisiativa realize eventu ne’e atu transforma mentalidade antigu juventudi muda ideologia moderno iha vida moris joventude nia talenta iha futuru liu liu iha area desporto freestyle motor.
Joel dehan, objetivu seluk, atu transforma grupo juventude nia vida moris atu bele aselera no alkansa area desportu otomotif iha futuru, no protejia grupo juventude nebe iha talenta otomotif iha futuru, fo apoiu hodi kria kondisaun ekonomia ne’ebe fo benefisiariu ho sustentabilidade ekonomiko iha familia nomos fo kontribuisaun prosesu desenvolvimentu nasional desportu TL.
Portavoz, alende ida ne’e, juventudi sira mos bele sai inspirasaun ida no motiva joventude nebe’e mak iha talentu otomotif freestyle motor.
Nia dehan, ba futuru, sira sei kria relasaun diak entre TL no Indonesia liu husi desportu otomotif freestyle motor.
Joel dehan, tuir sira nia observasaun hare katak, maioria 95% juventudi moris ho fenomena estudante no servisu laiha, tamba ne’e atu aselera area desportu iha future sira presisa tulun no apoio husi entidades hotu atu bele atinje joventude nia mehi durante ne’e iha area desportu.
Nia dehan, TL maske foin maka ukun aan, maibe iha ona Grupo DXR nebe nia membru mai husi estudante Timor oan nebe halo nia estudu iha Indonesia ho joventude nebe mak hela iha Dili no hetan trenamentu husi grupo Jogja X – Treme Rider’s Indonesia nebe halao nia aktividade iha desportu otomotif aktraksi freestyle motor.
Durante independensia, TL Grupo Dili X – Treme Riders mos anima ona povo Timor Leste iha eventu hira mak halo iha Dili no komunidade barak mak hare e haksolok ho gosta ba aktraksi nebe mak halao iha serimonia loron 20 de Maio de 2010, Eventu Drug motor nebe’e Timor Racing Club halao iha Cristo Rei, Partisipa iha programa SEJD ba comemorasaun Toca da paz iha dia 21 de Maio de 2011 no hetan suporta motorizada 1 ho marka Mega Pro husi SEJD, Miguel Manetelo.
Programa seluk tan maka partisipa iha eventu LA Light Street Soccer iha Palacio do Governo iha dia 26 de Maio de 2011, anima povu Bebora, Thaibesse, Largo de Licedere no Manleuana ho objective hametin unidade no paz iha loron Natal 2012 no Tinan foun 2013.
Tuir planu ba futuru, sira iha ona misaun hakarak Freestyle motorcycle ne’e bele hetan reconhesementu husi parte Governu no Povo Timor Leste , Freestyle motor sai hanesan Desporto Legal ida iha ita nia Nasaun RDTL.
Komisariu Longuinhos prontu apoiu
Iha fatin ketak, Komisariu Jeral PNTL, Longuinhos Monteiro pesoalmente pronto apoiu aktividade nebe juventudi hodi halao atrasaun freestyle motor.
Longuinhos dehan, nia parte simu ona proposta ida nebe hato husi komisaun organizadora The East Timor.
“Hau rasik simu ona proposta ne’e, hau sei tenta para fo apoiu tomak ba aktividade desportivu hanesan freestyle motor ne’e, ita tenki promove juventudi sira idak-idak nia talentu no espera ita nia raider freestyle sira sei lori naran diak Timor nian ba futuru,” dehan Longuinhos ba jornalista iha kuartel Jeral PNTL.
Nudar ema nebe talentu ba aktividade motor no kareta, Longuinhos sei tenta fo apoiu tuir nia kbit hodi realiza aktividade ne’e anima povu iha festa 20 de Maio.
“Hau rasik partikula hoby mos ba aktividade motor, nebe hau sei tenta apoiu tuir hau nia kapasidade, no Komando Jeral sei fo mos tuir nia rekursu nebe iha tuir knar polisia atu fo siguransa ba aktividade hotu iha 20 de Maio,” tenik nia.
Konaba fatin atrasaun freestley motor, nia parte sei kordena ho ministeiru relevante hodi realiza iha palasiu governu oin ou fatin seluk.
Longuinhos dehan, iha tempu besik nia sei kordena ho ekipa kordenador The East Timor oan, bainhira lori ona xefi player freestyle motor, Leo Moniz ho nia ekipa balun mai husi Jogja Indonesia antes 20 de Maio.
“Ita sei hein sira nia xefi mai ho ekipa husi Jokja maka ita sei kordena diak liutan,” Longuinhos promote.
Komisariu Longuinhos nudar ema penegemar iha aktividade halai kareta, motor, ho ro inklui aktividade seluk tan.***
