PR Taur simu vizita delegasaun delegasaun Rusia

Radio, online  - Prezidente Repúblika, Taur Matan Ruak, Kuarta-feira (24/04) ne’e iha PalásiuPrezidensiál Nicolau Lobato, Dili, simu iha audiénsia vizita kortezia delegasaun ida husi Federasaun Rúsia nian.

Komunikadu imprensa ne'e, radioonline asesu liu husi via email, Departamentu media offier, foin lalais ne'e.

Delegasaun ne’e lidera husi Senadór Arkady M. Chernetsky, akompañadu husi embaixadór Rúsia ba Timor-Leste, hodi lobby Timor-Leste nia pozisaun atu suporta Rúsia sai uma-na’in ba espozisaunmundiál 2020.

Senadór Arkady M. Chernetsky husu ba Xefe Estadu atu fó Timor-Leste nia pozisaun suporta Rúsia ba uma-na’in espozisaunmundiál 2020, ho troka mak Rúsia sei ajuda Timor-Leste nia setór turizmu no edukasaun.

Hatán ba ida-ne’e Xefe Estadu hatete: “Seidauk bele hola pozisaun maibé promete ba delegasaun sira katak iha tempu badak Timor-Leste sei hola pozisaun ba pedidu ida-ne’e.”

Entretantu aproveita delegasaun Russia nia vizita, Xefe Estadu agradese barak ba apoiu sira ne’ebé Rúsia fó ona ba Timor-Leste liuhusi Konsellu Seguransa ONU.

Vizita delegasaun Rúsia nian iha Timor-Leste nu’udar parte ida husi vizita ba Illas Pasífiku no Karaíbas hodi husu apoiu ba Rúsia atu sai uma-na’in ba expo 2020.

Delegasaun ne’e aleinde hasoru malu Xefe Estadu, hasoru malu mós ho Primeiru-Ministru Xanana Gusmão.
Paizes ne’ebé mak sai kandidatura ba expo mundiál 2020 mak hanesanBrazíl, Tailándia, Rúsia no Emiradus Árabes Unidus. Turkia mós iha faze inisiál sai kandidatu, maibérezignaan ona husi kandidatura.***