Radio, online - Prezidente Board Organizasaun Naun Governamentais (ONG ) Rede Feto, Ivete Oliveira deklara katak, planu husi Ministeiriu Turizmu atu iha tinan ne’e realia programa Miss Timor 2013 hanesan dalan diskrimina feto Timor.
'Prezidenti Board Rede Feto hasai deklarasaun ne’e liu husi konferensia da imprensa Tersa, (7/5) iha Kaikoli-Dili.
Rede Feto Timor-Leste deklara kontra planu MinistériuTurizmu hodi halao Miss Timor-Leste 2013. Ne’e pozisaun official husi Rede Feto Timor-Leste.Rede Feto kontra plano halao Miss Timor-Leste, tanba sidauk tempu atu halao ho razaun:
Miss Timor-Leste hanesan “beauty contests” haforsa stereótipu ba feto, no objetu ba pasa tempu. Sistema patriarchal nebé forte iha Timor-Leste.
Miss Timor sei uza feto hanesan objetu no propriedade hosi mane. Feto sira tenki bonita ba mane sira nudar estereótipu mak sira uza. Miss Timor-Leste hamosu diskriminasaun ba feto.
Governu Timor-Leste ratifika konvensaun CEDAW nebé iha obrigasaun hodi halakon diskriminasaun ba feto ho forma oioin.“Standar a beauty” no definisaun ba “beautiful” sai hanesan kriteria, ne’e exklui feto seluk.
Ivete hatutan, Rede Feto rekomenda ba Governu responde ba problema no situasaun hirak ne’ebé maka feto sira sei hasoru hanesan violencia doméstika, abuzu sexual, isin rua sedu no fornese oportunidade empregu ba feto foinsae sira . Haforsa sistema edukasaun no fasilidade eskola
“Promove feto Timor laos deit tamba bonita, maibé forte iha kapasidade intelektual rekomenda ba MinsiteriuTurismo, atu dezenvolve are turismo hadia infrastrutura turismo nian,”Ivete apela.
Governu presiza asegura alokasaun orsamentu ho transparensia hodi hatan ba nesesidades prioritárias. Promove feto laos liu husi dalan Miss Timor- Leste.
MinistériuTurismo presiza analiza klean programa Miss Timor-Leste ninia impaktu ba feto no programa turístiku seluk. Haforsa konsultasaun ho organizasoins Feto ba programa ne’ebe relasiona ho promosaun feto no turizmu. Ikus liu, hakarak fo hanoin ba governu kona ba obrigasaun Estadu hodi proteze feto Timor-Leste hosi formas diskriminasaun oioin.
