Dom Alberto Ricardo inagura orfonato Santa Clara

Radio, online – Amo Bispo Diosece Dili, Dom Alberto Ricardo da Silva inagura orfonato Santa Clara, iha Ailok Laran-Dili, Kinta (6/6). Orfonato ne’e iha mahon kongregasaun FCJM (Franciscan Fillial Santismu Cordis Jesus Maria).

Liu husi homilia Dom Alberto husu ba sarani atu iha vida moris halo netik sakrifisiu ba malu. Tulun netik maluk sira mak kuran aihan. Sakarifisiu laos deit tenki husi parte igreija ho relijiaun sira seluk, maibe hanesan sarani no ema tenki ajuda malu.

Bispo Diosece Dili ne’e mos husu ba sarani sira atu kuda fiar nian iha moris nudar ema kristaun. Orfonatu ne’e halibur feto ho mane, ne’ebe idade ki’ik.

“Hau fo agradese wain bo’ot ba madres sira iha kbi’it ni vontade hari’I duni orfonato ne’e hodi tulun ba ki’ik oan sira. Laos deit iha uma foun hotu ona, maibe ne’e hanesan dezafia liutan servisu hodi atende malu ho diak liutan,”dehan Dom Alberto.

Uma orfonato iha kuartu 2 ba orfonato, sala servisu, sala staff, sala estuda, sala han fatin, kapela no dapur.
Konstruksaun uma ne’e halo husi kompanha husi Indonezia BIMAVI.  Uma ne’e komesa halo iha 2010 no remata iha dia 6 de Junhu 2013.

Kongregasaun FCJM hari’i premeiru iha Balibo iha 1990, pois muda mai iha Dili, iha Vila-verde 1994. Liu husi kongregasaun ne’emos hari Pre-eskola Santo Francisco Assisi, iha Vila-verde.

Iha serimonian inagurasaun ne’e simu Amo Bispo ho leidus sira ho baku drum band husi alunus pre-eskolar Santo Francisco Assisi. Alunus sira maioria tinan 3 no 4.