Taur “Mehi” sai Primeiru Ministru

Radio, online – Prezidenti Republika (PR), Taur Matan Ruak liu husi deklarasaun komik ho populasaun suku Bekora katak, hodi fo hanoin katak partisipasaun Taur nian ba dezenvolvimentu nasaun loron ida sei sai Primeiru Ministru hodi hadiak liutan dezenvolvimentu povu ho nasuan.

Tanba tuir, esperensia eis Komandante guerileirus, Kay Rala Xanana Gusmao nian sai PR no sai PM. Ne’ebe la duvida mos, PR Taur mos sei bele tuir dalan ninia Komandante ne’e.

Iha sorumutu ho komunidade ne’e, Xefi estadu husu komunidade sira-nia kontribuisaun no partisipasaun iha konstrusaun Estadu: “Ita tenke hamutuk,fó ita-nia hanoin no kontribuisaun atu ita bele lori ita-nia nasaun ba oin. Imi tenke sente ita sai na’in ba konstrusaun Estadu.”

Xefe Estadu mós subliña katak hamutuk ho Primeiru-Ministru Xanana Gusmão, nia ukun, sira na’in-rua mehi ida de’it: “Ami hakarak imi kontente i ami promete sei la trai imi. Amisei halo buat hotu para ita-nia oan sira mai morisdi’ak,husik moris terus no aat to’o de’it ita,”Presta PR Taur.

Eis Major General mós esplika ba komunidade sira kona-ba progresu no dezafiu hirak ne’ebé Timor-Leste hetan hafoin restaurasaun, no esplika kona-ba planu dezenvolvimentu nasionál ba futuru ne’ebé mak trasa ona hosi V Governu Konstitusionál.

Xefe Estadu iha diálogu ne’e espresa mós nia satisfeitu baatitude lideransa polítiku ne’ebé Primeiru-Ministru Xanana Gusmão ho Dr.Marí Alkatiri ikus mai entende malu no la’o hamutuk ba povu nia moris di’ak.

“Ha’u kontente Maun Xanana ho maun Marí serbisu hamutuk ba nasaun nia di’ak, i ha’u hein katak sira na’in-rua nia amizade ne’e sei da’et ba to’o povu kraik.

Ita-nia orsamentu Estadu, opozisaun vota a-favór ne’e únikui ne’e foin mak akontese iha Timór, tanba ne’e ha’u louva tebes ba konjuntura polítiku ne’ebé akontese.

Ida-ne’e mós nu’udar ha’u-nia prioridadeoinsá tau hamutuk ita-nia lider sira, ne’ebé uluk inspira ita, bele hamutuk fali hodi lori ita-nia nasaun ba oin”, espresa Xefe Estadu.

Iha diálogu ne’e, Xefe Estadu foka mós kona-ba serbisu funsionalizmu públiku ne’ebé sei fraku los iha hala’o knaar loroloron, no realsa katak “funsionárius públiku tenke hatudu onestidade no seriedade hodi serbí komunidade”.

Membrus komunidade husi suku rua ne’e foti kestoins hanesan: situasaun konfrontu artesmarsiais iha Dili no situasaun veteranu sira-nian.

Membrus komunidade mós foti sira-nia preokupasaun relasiona ho situasaun área edukasaun nian, ne’ebé eskolas iha suku rua-ne’e iha problemas relasiona ho kondisoins prekárias ho falta meza no kadeira, no falta profesores voluntárius. Sira mós husu hodi kria kampu traballu ba foin-sa’e sira. ***