Radio online fonte JND – Ministeiru Administrasaun Estatal Ordenamentu Teritoriu (MAEOT), hala’o ona divulgasaun ba lei atu regula komunidade sira atu labele soe foer (lixu) arbiru sei sei kona sansaun. MAEOT husu ba komunidade tenki soe foer iha ninia fatin ne’ebe mak prepara ona.
Ministru MAEOT, Jorge Teme hatete, oras ne’e Ministeriu ne’e halo ona divulgasaun ba lei soe foer nian iha bairo, aldeia no suku. Divulgasaun lei hodi sensibiliza ba komunidade sira mak soe foer arbiru, la soe iha foer fatin.
Sansaun prmeiru sei fo ba loja ki’ik no bo’ot sira. Wainhira funsionairu Servisu Aqua e Saneamentu (SAS) hala’o servisu mak identifika loja sira soe foer arbiru no foer barak sei iha kontribuisaun osan naton atu ajuda komunidade livre husi foer.
Alende ne’e mos Ministeriu sei iha planu mos ba ema sese deit mak lao iha Dili laran sosa tiha aiha iha loja han hotu tiha, foer la soe iha foer fatin sei hetan multa, maizumenus 10 cent. Maibe hirak ne’e iha planu nia laran no sei implementa duni atu nune’e sidade Dili sai duni kapital nasaun TL nian. ***
