Aban iha Sport Dili E Benfica espozisaun arte beleza

Radio, online – “Onra boot ida mai ami atu konvida ita atu atende “Aprezentasaun Lansamentu” esklusiva evecom, ajensia foun ida ne’ebé bazeia iha Díli, ho espesializasaun iha eventu, komunikasaun no merkadória. Communication by (he)art.

Ho tema ida hanesan ne’e, lansamentu ida ne’e karik laiha signifikadu ida maibe...artístiku no ...atrai ita nia laran,”dehan koordenador informasaun Selly Sanches liu husi komunikadu da emprensa Kuarta, (26/6), liun husi via-email.

Tan ne’e...prepara a’an ba lorokraik espesial ida ne’ebé háhu ho abertura Espozisaun Arte “Kona-ba Beleza” husi Alfeo Sanches Pereira, pintór surealista Timor-oan ida ne’ebé di’ak tebtebes no Dao Anh Khanh, artista atraksaun famozu ida husi Vietname.

Hafoin ida ne’e, sei iha aprezentasaun haku’ak múzika, dansa, roman no ahi uníku ida ne’ebé haksolok ita. Ita sei hetan supreza barak liu tan durante eventu ida ne’e...

“Ami nia “Aprezentasaun Lansamentu” ne’e suporta husi ami nia parseiru sira: l’Aubergine Restaurant, Pateo, Gráfica Patria no Sport Dili E Benfica,”dehan Selly. ***