Radio, online - Prezidente Repúblika (PR) Taur Matan Ruak, Tersa-feira, aban (2/7) sei inísia vizita traballu ba distritu Ainaro no Cova-lima durante loron rua nia laran, hosi loron 2 to’o 4 fulan Jullu, hodi ba observa no haree rasik fatin sira ne’ebé aftetadu husi dezastre naturais inklui haree mós vítima sira.
Informasaun ne’e hato’o liu husi Komunikadu imprensa ba www.rndadioliberdadedili.com liu husi via-email Segunda (1/7).
Iha vizita loron dahuluk Tersa fera ne’e, Xefe Estadu sei ba uluk iha sub-distritu Hatu-Udo distritu Ainaro nian hodi haree no observa mota karau ulun ne’ebé mak estraga natar, hafoin kontinua viazen ba kalan iha Suai Villa.
Iha loron daruak vizita Xefe Estadu nian iha Kuarta-feira, sei ba haree kondisaun vítima inundasaun iha aldeia Fatukisin, suku Kamansa nian hafoin ne’e sei kontinua ba suku Suai Loro, suku Kasabuk, depois ba-liu suku Beinseuk sub-distritu Tilomar nian.
Hafoin ne’e Xefe Estadu ho komitiva sei termina vizita iha sub-distritu Maukatar hodi haree estrada ne’ebé kotu.Iha loron Kinta-feira Xefe Estadu ho delegasaun fila hikas mai kapital Dili. ***
