SFCG kria mata dalan ba radio komunidade

Radio komunidade Radio, online – Search for Common Ground SFCG kapasita jornalista radio komunidade sira atu bele halo fokus grup diskusaun ho komunidade sira no realize mata dalan.

“Fokus grup nia objetivu mak atu  hetan feed back konaba programa sira ne’ebe radio komunidade sira produs durante ne’e, no buka sasukat atu  hadia programa hodi dezenvolve mata dalan ba radio komunidade ba diskusaun ne’ebe sira halo iha komunidade nia let, tanba ne’e ami involve jornalista radio komunidade sira husi distritu 13,”dehan Diretor SFCG Francisco Sousa iha salun Assosiasaun HAK Farol-Dili Seunda, (1/7).

SFCG durante suporta radio komunidade sira halo produsaun programa, hanesan Babadok Rabenta no feto nia istoria liu liu konba asuntu juventude nebe bolu radio magazine no mos drama seria ho titulu karau dikur ba dame istoria feto atu feto sira bele hatene istoria lolos ba feto nia papel

“Programa  ne’e radio sira hatun iha sira nia distritu no topiku ne’ebe sira hatun, sira mak identifika tuir problema saida mak komunidade infenta no tuir lian distritu ida idak ,”dehan Francisco.

Jornalsita Radio Komunidade Lospalos  Francisco Hornai, senti kontenti tanba dala barak ona sira halo  produsaun grupo diskusaun iha radio maibe dala barak la tuir durasaun. Tanba nia espera katak liu husi grupo diskusaun id a ne’e bele aumenta sira nia kuinesimentu atu sir  bele halo produsaun programa diak liutan ho kualidade .

Formasaun ne’e sei halo durante loron rua, partisipa iha formsaun ne’e mai husi radio komunidade iha 13 inklui radio Akademika UNTL , Radio Liberdade dili no Radio UNPAZ.