Aniversariu Fokupers 14, Um Minitu ba Ibu Ade Nia Kontribuisaun ba TL

Radio, online – Idade Sosiedade Sivil Forum Komunikasai Perempuan Timor Leste (Fokupers) ba dala 14 ona. Liu husi serimonia aniversairu ne’ebe halao iha loron Sesta, (15/7) ne’e, Fokupers halo seminar ho tema “Implementasaun Lei Violensia domestika Direitus  Vitima Dever Ita Hotu Nian".

 

Antes selebra aniversairu no halo diskusaun ho tema mak prepara. Diretora Fokupers Maria Barreto hamutuk ho partisipantes sira hanoin iha tempu pasadu hodi hakruk hodi fo um minitu de selensiu  ba matebian ibu ibu Ade Rostina Sitompul ne’ebe’e mate (8/7/) liuba. Ibu Ade hanesan feto ne’ebe’e halo servisu ba libertasaun nasaun ida ne’e nomos defende direitus umanus.

Fokupers ninia prezensa antes TL ukun-rasik an. Fokupers nia knar atende liu ba feto sira nia aktividades no tau matan ba feto sira mak hetan violensia domestika no torturasuan oioin.

Diretora Fokuper  Maria Bareto hateten katak, ohin aniversariu Fokupers ba dala 14  Fokupers sei halo diskusaun fokus liu ba iha  lei kontra violensia domestika, direitus  vitima no dever ita hotu nian  ,ne’ebe e atu hare liu oinsa implenetasaun lei kontra violensia domestika.

Tuir realidade  ne’ebe Fokupers hare katak, tinan ida ona lei kontra violensia domestika promulga husi PR Jose Ramos Horta, maibe realidade iha implementasaun sai hanesan obstaklu  vitima sira atu  hetan justisa ba sira nia an rasik.

Maria hatutan,  kazu ne’ebe Fokupers simu iha  tinan 2010 hamutuk 65 kasu  ne’ebe tama iha Fokupers rasik la inklui husi NGO seluk no mos husi polisia VPU. Kazu hirak ne’e sei  prosesu hela iha tribunal, Ministeriu Publiku no balu  familia vitima  rasik dada fali sira nia kasu.

Bareto afirma liu tan katak, Sosialisasaun  ba lei Kontra violensia domestika, Fokupers iha dever bo’ot fo informasaun nomos sosialisasaun lei ne’e rasik liliu ba ema ne’ebe sai vitima husi hahalok violensia domestika. Iha parte seluk mos Fokupers fo kontribuisaun ba SEPI  halo sosializasaun lei kontra violensia domestika iha Distrito lima hansan Distritu Liquisa, Bobonaru, Ermera, Kovalima inkliu  Distrito Dili

Sekretariu Estado Promosaun Iguladade Idelta Rodrigues  iha ninia deskursu abertura ba seminar ne’e hateten katak, lei kontra violensa domestika ne’e prekupasaun sidadaun hothotu nian tanba  ne’e iha oprtunidade ne’e hakarak louva Fokupers nia servisu no kontribuisaun  atu nune’e Fokupers diak liu iha futuru mai.

Iha selebrasaun  loron anversariu Fokupers ne’e husu ba Fokupers atu kontinua lao ba oin maski  lao ho neneik atu nune’e bele resolve problema violensia  domestika iha rai laran.

“Ita nia nasaun foin hahu, ita mos labele obriga an, atu halo buat hotu iha tempu lalais. Ita prezisa lao neneik  maibe ita hotu tenki servisu hamutuk nafatin labele hanoin katak lei ne’e ema ida nian, governu nian maibe ita hotu nian tanba  estadu iha obrigasaun  atu asegura implementasaun lei   kontra  Violensia domestika,” Idelta apela.