Radio, online - Radio Televizaun Timor-Leste Emprensa Publiku (RTTL-EP) halao lansamentu frekuensia radio ho naran JFM 97.6 Mhz ho moto jeresaun foun, inspirasaun foun ho futuru foun.
Prezidenti RTTL-EP, Expedito Dias Ximenes hateten, liu husi lansamentu JFM hodi suporta iha chanel radio ba programa Cresendo. Tanba antes ne’e programa cresendo fo sai iha RTL ne’ebe frekuesia ba notisias no programasaun. Maibe ho JFM ne’e atu orinte liu ba foin sae sira ho programa cresendo no programa sira seluk sei trasa iha JFM.
“Programa ne’e rona iha dader diak Dili, estasaun Dili tanba ne’e hahu ohin ba oin ita sei iha programa rua ida mak RTTL ne’e ita fo informasaun no ida mak JFM ne’e ita fokus ba foin sae nia,”esplika Expedito .
Iha fatin hanesan Sekertariu Estado Comunikasaun Sosial (SECOMS), Nelio Issac dehan, “Ita hatene katak, ita nia nasaun ne’e kompostu barak liu mai husi joven. Ita koalia kona-ba jerasaun, liu husi programa JFM ne’e foka liu ba jerasaun foun atu transforma mentalidade foun ho hanoin foun,”.
Nelio Issac espera katak, programa ida ne’e halo ho neneik, maibe fiar katak aban bai rua sei sai diak liu tan. Laos deit ba Radio maibe ba Televizaun ne’ebe nain husi povu TL.
