Kiak iha TL sa’e ba 49%

Radio online, fonte JND – Primeiru Ministru (PM), Kay Rala Xanana Gusmão informa katak, tuir peskiza ne’ebe iha hatudu katak, numeru kiak iha Timor-Leste (TL) sa’e ba 49%.

“Iha 2000, estudu ida, lao ita mak halo, hatudu katak 41% husi ita nia populasaun moris iha pobreza nia okos. Iha 2007, peskiza foun ida ne’ebe halo on the right time, hatudu katak, numeru ema kiak, iha ita nia rai aumenta ba 49,7%.

Dadus hirak ne’e temi nudar sientifiku,  ninian objetivu atu prova failansu husi estadu de-direitu demokratiku TL nian nomos hakarak atu hatudu Timor oan sira nia inkapasidade atu kaer rasik sira nia disktinu,” PM Xanana hateten ba jornalista, Tersa (30/7), iha Palacio Governu.

PM Xanana hatutan, peskiza seluk ida ne’ebe independente liu, dehan katak, entre 2000-2007 mais de 8 mill milloens dolares Amerikanus maka oin ida ka oin oin seluk aloka mai TL.

“Faktu ida ne’e maka husu ba Timor oan hotu atu hatene tok rezultadu pozitivu ruma, ne’ebe osan ida barak hanesan ne’e, soe hela ba ema kiak iha ita nia rain, kiak sira ne’ebe iha periodu ida ne’ebe aumenta maka’as tan,”katak Xanana.

PM Xanana rekoinese katak, objetivu implementasaun milenium (ODM) identifika problemas 8 iha area remotas hanesan mall nutrisaun, edukasaun, saude, igualdade jeneru, sustentabilidade ambiental, mortalidade materna inklui saneamentu.

Iha area Jeneru, hare ba rezultadu eleisaun 2012, prezensa feto iha Parlamentu iha 38% hatudu katak, prezensa feto iha politika as liu iha kontinental Azia. Tuir planu governu nian mos iha eleisaun Minisipiu sei esforsu hodi enkoraza seksu femininu atu konkore.