Assanami: TL agora la iha razaun katak ita la bele

Radio, online –  Ministru Agrikultura  no Peska  (MAP) V Governu Konstitusional, Mariano Assanami Sabino, liu husi enkontru rutina Konselhu Nasional siguransa soberania alimentar dehan “Uluk ita nia  guerileirus sira ho kondisaun limite tebes no problema barak, maibe esforsu intrega independensia mai ita, sei bele maibe. Nusa mak agora ita dehan labele.

“Ita agora iha kareta, iha osan  iha buat oin oin tanba ne’e la iha razaun ida katak ita la bele.  Agora  tenke esforsu para ita bele hadia povu nia moris,”dehan Assanami iha salaun MAP, Komoro-Dili foin lalais ne’e.

Assanami hatutan, xave importante mak  komitmentu presiza implementasaun  programa intregadu, laos deit liu  husi interministerial maibe  nivel tenkniku, nivel distrital, nivel diretur,  to’o iha nivel suku ho aldeia.
“Timor-Leste rai ki’ik,  inimigu ida bolu narak kiak ne’e, ita sei hasai husi rai ne’e,”Assanami promete.

Iha enkontru ne’e oinsa mak buka mekanismu koordenasaun husi Ministerio Saude,  Edukasaun  no Ministerio sira seluk atu bele hasai kiak, hamlaha mal nutrisaun no atende ba dezastre naturais iha rai laran .

“Ita iha planu integradu entre ministeriu, hau hanoin hamlaha, ki’iak no mall nutrisaun ne’e ita sei redus no halakon iha nasaun ne’e,”dehan Assanami.