Radio, online – Ministru Administrasaun Estatal (MAE), George Teme promete sei sosa kareta 17 ba Administrador sub-distritu 17.
“Hau nia planu sei sosa kareta 17 ba Administrador sub-distritu 17, liliu ba sub-distritu ne’ebe iha area rural no iha Dili,”dehan MAE, George Teme.
Ministru ne’e hatutan, planu sosa kareta ne’e mai husi OGE 2013 nian. Sosa kareta ne’e hosi ajuda Administrador sira hodi halo monitorizasaun ba Programa Nasional Dezenvolimentu Suku (PNDS).
Teme esplika, kompanha ne’ebe mak manan tendet ne’e seidauk bele temi sai naran, tanba agora sei iha loron lima ba kompanha hodi kompete. Karik kompanha sira iha rekomesadaun ruma, ne’ebe MAE hein hela.
“Wainhira asina tiha akordu ho kompanha ida ne’ebe mak manan, Ami mos sei fo tempo loron lima ba kompanha sira ne’ebe mak konkore karik la satisfas, bele halo keisa ba kamara kontas hodi hare,”dehan Ministru husi Frente Mudansa ne’e.
Tuir Teme, tinan ida ne’e hahu ona implementa Programa Nasional Dezenvolvimentu Suku hahu husi suku 30.
“Ami fo antensaun ba Administador sub-distritu tenke ajuda xefi suku sira halo monitorizasaun, tanba ita hakarak hamenus kiak liu husi PNDS, tanba programa ne’e sai solusan ida,”Teme esplika.
