Radio, online – Diretor Jeral Group Media Nasional, Jorge Serrano fo atensaun katak, ema estranjeiru labele sain nain ou hari’i media iha Timor-Leste.
Lia fuan hirak ne’e, Jorge hato’o iha serimonia Konvivu ne'ebe Sekertariu Estadu Komunikasaun Sosial (SEKOMS) Sesta, (2/8) iha Timor Plaza.
Tuir Serrano, iha Indonesia iha buat ha’at mak la fo ba ema estranjeiru mak hanesan Media, Telekomunikasaun,airo (penerbangan) no tasi (pelayaran) Ro. Ne’e xave ida ba estado ida mak ne’e.
Negosio iha media ne’e bele, maibe importante iha hanoin interese ida deit. Serrano husu servisu jornalista nian iha Timor ema ida lalika tau ibun no tenke tau jornalista iha dignidade.
“Hau husu ba SEKOMS atu tau interese buat haat nebe ohin hau temi, ita fo mensagen mai ami katak dezenvolimentu lao kompletu media lao ho nia funsaun. Hau orgulhu ba alin jornalista sira mesmu sala ga los tamba la iha ema ida perfeitu iha Mundu. Governante mak sala ne’e sira dehan iha fraze aprendizajen maibe jornalista mak sala dehan jornalista la professional ida ne’e hau kontra,”Jorge komenta.
Iha refleksaun ne’e SEKOMS, Nelio Isac Sarmento mos hateten katak, ba oin iha planu atu halo konferensia ho jornalista sira. iha konferensia ne’e atu hare no difini kode etika ou regulamentu ida ba profisauan jornalista. Ne’e los siknifika katak anula asosiasaun sira nia kode etika ou instituisaun media sira nia kode etika, ne’e la los.
“Ididak iha nia kode etik ou regulamentu interna, maibe pelumenus ita hot-hotu iha kode etik universal ba Timor oan hotu mak sai jornalista atu kumpri no halao. Agora dadaun ita halo ona lei imprensa ne’ebe oras ne’e dadaun iha prosesu nia laran,”dehan Nelio Issac.
