Violensia ba feto no labarik 38 % sai mediu iha Asia Pasifika

Radio, online – Tuir peskizador Asia – Pacific Regional Joint Programme For gendre-ased Violence Prevention, James Lang dehan, husi relatoriu Sekertariu Estadu Promosaun Igualdade (SEPI), violensia hasoru feto no labarik iha TL 38%. Tuir Lang, husi porsentus ne’e hatudu sai mediu iha Asia-Pasifika.

“TL iha 38 % ne’e prevalensia ba violensia kompara ho dadus Asia pasifika susar atu halo koparasaun, maibe seimplesmente hau bele hateten katak violensia kontara feto no labarik feto iha TL ne’e laos buat ida ke ladiak, maibe ne’e mediu ona tanba la as liu la menus liu,”dehan Lang ba  www.radioliberdadedili.com iha otel Timor, foin lalais ne’e.

Tuir Lang, TL atu hamenus violensia mak ne’e, “hau sujere ba matenek Timor oan tenke halo peskiza barak liutan ou halo estudu analiza barak liu tan no iha estudu analiza nia rezultado ne’e mak tenki uza atu forma programa no politika atu hamenus fator violensia ne’ebe mak akontese,”.

Lang dehan, Tipo peskiza iha rua. Ida husu ba feto sira nia esperensia moris halo nusa, ema halo violensia domestika ba sira ne’e oinsa, sira nia nesesidade saida mak sira presiza no vitima sira sira hakarak halo oinsa ba sira nia kazu.

Segundo, husu ba mane sira nia moris, wainhira halo violensia hasoru fen nudar feto no feto labarik sira no tanba saida tenki halo violensia hasoru fen no feto labarik sira.