Radio, online – Liu husi akordu governu Timor-Leste atraves Ministeriu Agrikultur no Peskas (MAP) iha 2012 hodi fo lisensa ba kompanha husi Xina Best Sea Food (FT) Lda hodi raut tripan (banabe-red) hodi lori ba Xina atu produs aimoruk.
Aimoruk husi tripan ne’e hodi kura moras mak hanesan moras rematik, strok, diabetes nsst. “Kompanha ne’e legal, tanba asina kontratu ho ita nia governu lutiu husi MAP iha tinan 2012 hodi raut tripan iha tasi laran,”dehan Sekertariu Estado da Peska, Rafael Pereira Goncalves ba jornalista www.radioliberdadedili.com iha nia servisu fatin Kuarta, (14/8).
Rafael hatutan, liu husi tekniko peskasa katak, kompanha asina duni kontratu ho governu atu foti tripan iha Hera.
“Kontratu laos hau mak asina, kontratu ho kompanha iha 2012, dokumentu asina kontratu ne’e hau buka maibe hau seidauk hetan. Tanba ne’e tempu badak ekipa tenknika sei ba Hera hare tuir kompnaha nia aktividade ne’e,”dehan Rafael .
Tuir regra foti tripan labele kaer medida ki’ik liu, labele lori pepino tasi no kompressor ka escuba. Tripan sira foti ne’e medida labele ki’ik liu ezemplo Banabe ka tripan Holothuria edulis 20 cm, Holothuria atra 25 cm, Thelenota ananas 50cm, Thelenota Anax 55 cm, Actinopgya lecanora 20 cm , Bohadschia argus 35 Cm Bohadschia graefei 30 cm,Stichopus hoorens 18 cm no Stichopus Chloronotus 20 cm ba leten mak foti maibe kuando kompanha foti sei sei hapara see iha evidensia.
Maibe aktividades kompanha best sea food (FT) Lda halo komunidade iha Hera hamosu konfuzaun, tanba komungidade sira rona katak, governu asina kontratu ho kompanha ne’e laos kaer tripan maibe atu halo ikan lata. Kompanha ne’e mos ninia papan nama laiha iha tasi ibun, aktividades raut tripan ne’e.
Trabalhadores sira mak servisu iha kompanha ne’e hamutuk ema nain 24. Maioria husi estranjeirus Indonezia nian 20. Tuir lolos atu hatama Timor oan mak nain 20, maibe realidade nain 4. Nain 2 lori roo no nain 2 seguransa.
Trabalhadores husi Indonezia nain 20, agora hela deit nain 10. Trabalhadores sira la aguenta ho atendementu hahan no saude ba trabalhadores sira, tanba kompanha oferese modo ho manu tolun dodok no sosis ne’ebe ninia prazu liu tiha ona.
