Radio online,fonte JND – Sekertairu Estadu Promosaun Igualdade (SEPI), Idelta Maria Rodrigues urjentimente tama sala VIP, Hospital Nasional Guido Valadares (HNGV) tanba hetan moras Colic (moras kabun laran) ne’ebe sente grave.
“Hau nudar mediku intrelista ne’ebe horseik hetan kontaktu husi dirasaun HNGV katak SEPI Idelta hetan moras ajukasaun moras, ne’ebe bainhira to’o iha ne’e hau akompaha husi Vise Ministra da Saude, Maria do Ceo inklui enfermeiro Filomeno hodi halo kedas tratamentu ba SEPI Maria fo kedas sintomas mai hau katak nia hetan moras colic ne’ebe akompanha ho laran sae,”dehan Dr espesialista moras laran Antonio Gusmao ba jornalista iha HNG , Kinta (15/8).
Nia dehan, SEPI Idelta tama iha sala emerjensia iha Kuarta feira dader mais ou menus tuku 9:00 otl no transfere kedan ba iha sala VIP hodi hetan atedementu husi Dr espesialista.
“Mai to’o iha ne’e, ami halo tratamentu simples ida hodi halo ezame fiziku, purejemplu izame tensaun, respiratoriu, suku inklui fuan (nadi) maibe hirak ne’e diak hotu deit, soke kabun laran deit mak dulas maka’as, maibe nudar mediku ami halo tratamentu hodi tau soru no sona,’dehan Antonio Gusmao.
Ho atendementu espesial, SEPI Idelta iha minitu 20 nia laran kondisaun Idelta nia kabun normal fila-fali, nune’e transfere kedan ba sala VIP hodi halo atendementu diak liutan.
Oras ne’e dadaun SEPI Idelta baixa hela iha sala VIP, hodi hetan tratamentu hodi rekopera fila-fali nia kondisaun antes halao nia knar nudar membru do governu.
