Radio, online – Iha tuku 18:30 otl, Sesta (16/8) Primeiru Ministru, Kay Rala Xanana Gusmao derepenti deit apanha tensaun sae no moras asam urat, iha Palacio Governu.
Tanba hetan moras ne’e, Ministru da Saudae Sergio Lobo ho ambulansia mai para kedan iha area Palacio Governu. Hodi hein atu tula PM Xanana ho urjenti, maibe tanba PM Xanana hetan tratamentu urjenti husi Dotor nain 2 ne’ebe hanesan dotor privadu PM Xanana la konsege tula iha ambulansia hodi lori ba Hospital Nasional Guido Nasional Valadares (HNGV).
Tuir fontes fiar iha Palacio Governu katak, PM Xanana apanha tensaun sae no asam urat tanba PM Xanana telefone dala lima (5) ba Ministru da Saude, Sergio Lobo hodi husu tuir informasaun Sekertaria Estadu Promosaun Igualdade (SEPI), Idelta Maria Rodrigues nia kondisaun, maibe Ministru Sergio Lobo la atende.
“Katuas Xanana telefone ba Ministru Sergio Lobo dala lima kedan, maibe Ministru saude la atende ne’e mak derepenti deit katuas hetan moras tensaun sae no asam urat,’dehan fontes ne’e.
