Radio, online - Durante fulan 7 (Janeiro – July), iha tinan 2013, feto no mane besik 20,000 iha Timor Leste fo hili nebe saudeval ba nia familia, atu fo espasu ba sira nia partus (tuur ahi).
Fo espasu liu tinan tolu antes tuur ahi fali, husi planeamentu familia, diak liu ba feto no parte familia hotu-hotu iha Timor Lete, tamba feto presiza tempo atu rekopera fali antes tuur ahi nebe, fo impaktu todan ba nia isin. Despois bebe no labarik kiik presiza domin no tau matan husi inan, entaun bebe haan diak, fo susuben diak, no atu hases an husi moras.
Husi fulan Janeiro too fulan Julhu, feto no mane hamutuk nain 18 355, hetan atendementu planeamentu familia iha fasilidade saude bele ho apoio clinika Marie Stopes iha distritu 8,(tuir dadus Marie Stopes).
Informasaun ne'e www.radioliberdadedili.com asesu liu husi via-email, foin lalais ne'e.
“Ne’e rezultado kapas lo’os, rejultadu ne’e signifka mane barak iha Timor Leste hili atu proteje saude nia fen no nia oan nian, no feto hakarak proteje nia saude, no saude nia oan mos” dehan Nicola Morgan, Xefe Boot ba Marie Stopes Timor Leste.
“Inan Feton sira hetan isin rua be-beik la ho espasu, nebe isin rua tinan ba tinan, hetan risku atu bele mate, o bele hetan infeksaun, ka bele mate no ladun iha saude diak,” esplika Senyora Nicola”.
Feto no bebe iha Timor Leste mate no moras tamba sira la iha tempu atu rekopera husi tuur ahi, no la iha tempo fo susuben esklusivo, no tau matan ba bebe nebe sei kiik.
Parteira Marie Stopes servisu hamutuk parteira MoH, iha CHC no Postu saude hodi fo atendimentu ka assistensia saude ba Comunidade, li-liu iha area sira nebe la hetan kobertura husi parteira governu nian tan difikuldades oi-oin.
Parteira ka professional MSI nian apoia mos fasilidades hanesan, Equipamentus medikus, aimoruk no transporte hodi bele alkansa SISKa, Mobile Klinika no fatin isoladus sira.
“Ami husi Marie Stopes kontenti atu fo ajuda no apoio CHC iha distritus hotu liu hosi suporta equipamentus medikus, ai-moruk, transporte no atendementu husi parteira nebe iha kapasidade teknik ba atendementu inan isin rua no planeamentu familia,” dehan Senyora Nicola.
Partiera Marie Stopes fo atendementu besik inan feton ida, husi inan feton tolu nebe husu atendementu planeamentu familia iha Timor Leste tomak mesmo ke MSITL seidauk kobre tomak distrito 13.
MSI-Timor Leste serviso ho objektivo primeiru, atu hatun mortalidade inan no oan liu husi iha oan tamba hili laos tamba asidente.
Marie Stopes servisu hamutuk Ministerio de Saude fo atendementu planeamentu familia, no saude inan isin rua, iha distritu Dili, Baucau, Viqueque, Lautem, Ermera, Ainaro, Bobonaro, Manufahi ho ajuda husi Ausaid.
