Europeia apoiu U$ 10 Miliaun ba programa Mal-nutrisaun

Radio online, fonte STL – Nasoens Europeia, ne’ebe hamahan-an iha Uniaun Europeia, liu husi sorumutuk ho governu Timor-Leste (TL), Kinta (22/8) promete atu fo apoiu orsamentu U$ 10 Miliaun ba Ministeiru Saude (MS) hodi apoiu implementasaun programa mal-nutrisaun iha TL.

Sorumutuk entre Nasoen Europeia ho governu TL ne’ebe reprezenta Ministru Negosiu Estranjeiru no Kooperasaun (MNEK), Jose Luis Guterres, akompanha husi Ministru Saude, Sergio Lobo.

Hafoin sorumutuk, Ministru MNEK ba jornalista katak, apoiu ne’ebe nasoens Europeia fornese hodi apoiu programa Saude ninian, liliu ba programa implementasaun ba Mal-nutrisaun nian iha TL.

Tuir Adjuntu Koordenadora Nasional eis Vise Ministra Saude, Madalena Hanjam dehan, nasoens Europeia fo tan U$ 10 Miliaun ba programa mal-nutrisaun ne’ebe MS lidera.

Agriment ne’e sei asina iha fulan Dezembru tinan ida ne’e, liu husi programa mal-nustrisaun, ba labarik sira iha distritu liliu iha area rurais sira bele hetan nutrisaun diak.

“Ita nia inan feton sira ne’ebe mak isin rua, presiza vitamina hosi asegura bebe, ne’ebe iha sira nia kanotak,”tenik Hanjam.

Programa mal-nutrisaun, tuir Hanjam sei iha implementa tinan ida ne’e nia laran. Tanba tuir akordu ne’ebe TL ho nasaun Europeia programa apoiu ba mal-nutrisaun ba tinan ida ne’e duni.