LH kestiona kapasidade FI ezekuta OJE foin 13.6%

Radio, online – Sosiedade Sivil Luta Hamutuk (LH) kestiona kapasidade ezekusaun orsamentu husi Ministerio Comissão de Administracão do Fundo Infrestrutura (FI)  iha Orasamentu Jerl Estadu 2013 ne’ebe foin mak ezekuta 13.6 %.

Programa Manager LH Elio P. Guimaraes  liu husi konferensia da emprensa iha servisu fatin Farol, Dili.

Programa Manager LH ne’e dehan, husi  total orsamentu $ 604,377,063.00 aloka ba FI, foin mak ezekuta 30.6 %. Tuir LH porsentu ida ne’e kiik liu ho Ministeiru sira seluk.

“Ami prekupa los tanba governu disidi katak, prioridades ba dezenvolvimentu ne’ebe tenki asleira iha mediu prazu. Maibe Ministeriu rasik laiha kapasidade atu ezekuta orsamentu. Ne’e hatudu katak, laiha planu no kapasidade,”Elio kestiona.

Tuir tabela, kada Ministeriu husi istitusaun publiko foin ezekuta orsamentu husi 3 % to’o  50% iha Ministeriu rua ka tolu, mak foin ezekuta atinzi ona  ba 69 %. Komisaun Nasional Elisaun (CNE), Ministerio Petroleum Rekursu Minarais nia ezekusaun komesa diak .
Ministreriao balun nebe mak nia alokasaun orsamentu diak mak SEKOMS 27.6 %,   SEPI 28.0 % , SEPFOPE 17.8 %, Ministeriu Trasporte komunikasaun 15.3 %. Aat liu mak Comisuun da adminitrasaun do fundo Infrestrutura  nia foin ezekuta 13.6 % .

“Ami husu ba komite revizaun orsamentu atu halo revizaun profunda submisaun ba lina ministerial sira, tanba progresu situasaun kontinua hatudu katak ministerio sira la iha kapasidade atu ezekuta orsamentu ne’ebe mak bo’ot,”dehan Diretur LH, Mericio Akara.

Ikus liu, husu ba Primeiru Ministru, Kay Rala Xanana Gusmao, ne’ebe mak prezidi Konselho Ministru, antes atu halo aprovasaun ba pakote fiskal tinan oin nian, presiza fo atensaun ba progresu ezekusaun, hodi nune labele prezudika plano dezenvolimentu nasional.