Estudante isin rua tuir ezame nasional

Radio, online - Xefi komisaun organizadora ezame nasional no lokal eskola eskola Secundario No 4 de Setembru UNAMET, Silverio da Costa fo dehan, antes atu tama ezame nasional, iha ona estudante feto nain rua mak ho kondisaun isin rua. Liu husi desizaun estudante nain rua ne’e iha direitu ruir ezame nasional.

“Sira iha diretu tuir ezame nasional, tanba ita nia lei hateten katak sidadaun hothotu asesu ba edukasaun. Ami la hasai estudante nain rua, sira kontinua tuir ezame nasional no lokal too remata,’dehan Silveiro.

Xefi komisaun organizadora ne’e dehan, tuir regulamentu iha eskola  mak  kontrola estudante sira  labele halo namora iha eskola, kontrola sira husi  tuku  8:00 dader  to’o oras 13:30 lokraik . 

Iha mundu moderno estudante sira livre ba internet, ne’e mos bele fo impkatu makaas. Husu ba inan-aman no professor sira tenke hamutuk  kontrola  estudante tuir ididak nia oras.

"Husu ba edukasaun atu halo lei ida para estudante ne’ebe isin rua ita tenke hasai, tanba fo impaktu negativu ba nia maluk sira seluk. Joven  mak sai ai rin ba nasaun entau see wanhira ita nia joven, liu liu feto sira isin rua sedua ita nia rai ne’e  avansa ba oin  araska oituan,”kestiona Silverio da Costa

Estudante nain rua mak isin rua ne’e husi eskola seidauk identifika lolos sira nia laen, tanba inan-aman ate agora seidauk fo hatene ba eskola.

Membru Parlamentu Nasional, Ilda Maria da Consencao husu ba Ministeiru da Edukasaun no profesor atu kontinua fo edukasaun civika ba estudante sira no eduksaun moral liu liu iha relijiaun moral mos.

“Hau hanoin edukasaun laos deit hanorin siensia deit, maibe forma ema ho edukasaun sivika no moral. Importante atu eleva ita nia moral para ita la lika monu ba hahalok at  hanesan isin rua sedu no at liu mak tara-an,”Ilda komenta.