Radio, online - Dala barak ema hanoin at atu naok ema nia sasan iha loja, ho teknolojia loja nain monta kamera CCTV (Closed Circuit Television) detekta naok ten ida, hodi hasai bisikleta iha loja laran.
Insidente ne’e akontese iha loja Primaveira, iha Bairo-Pite Sesta, (28/9), foin lalai ne’e. Loja nain Roberto Estefanu ba radioliberdadedili.com hateten naok ten ne’e tama foti bisikaleta ho marka federal, iha meudia loron manas.
Tuir Roberto, iha media ne’e ami hotu iha uma laran, alin kiik ida mak halimar hela iha liur. Naokten ne’e mai husu alin dehan; “o nia ama ho apa iha ga lae?. Alin mane nee responde “hau nia apa ho ama iha uma laran hotu”.
Naokten ne’e hare alin mane ne’e tun bila-an, la kleur deit naokten nee lori sai bisikleta iha uma laran sai mai liur.
Antes foti bisikleta, uma nain ne’ebe Roberto aluga hare hela ema ne’e, maibe uma nain hanoin ema sosa tiha bisikleta ne’e, ho nune’e uma nain mos la hase ida. Uma nain tama ba uma karan naokten ne’e lori halai kedan bisikleta ne’e.
Roberto dehan, ami hare bisikleta federal ida laiha. Ami buka tun sae la hetan. Pois ami loke kemera CCTV foin mak hare husi gravasaun ne’e, iha ema naokten mak tama mai loja laran hodi naok bisikleta ne’e.
“Hau lakoi kesar ba polisa ,tanba hau hare iha video ne’e, halo hau hanoin fali ema ne’e . Nia ema kiak, karik nia hamlaha ne’e mak nia hakarak foti bisikleta ne’e hodi ba fa’an. Hau fo avizu ba ema hotu kuidadu naokten komesa barak ona,’dehan Roberto.
Iha gravasaun kamera CCTV ne’e, dekobre naokten uza faru mean no kalsa badak. Naokten ne’e hafuhu hela ema, hakat neneik no hasai faru mutin tau hela iha biskaleta leten, mak foin nia lori halai.
