Radio, online – Vise Ministru Edukasaun (ME), Marcal Avelino Ximenes konsedera universidade iha Timor-Leste laiha kulidade, tanba universidade loke rebo-rebo hanesan kois ne’ebe la hatudu hanesan ensinu superior.
Vise Ministru Edukasaun hato’o kestaun ne’e iha refleksaun sobre o Direitu ensino desafio e Prespectivas iha Hotel Timor, horseik (17/10).
Dezfiu aktual mak ema ne’ebe remata estudu universidade iha rai laran iha área direito labele sai assessor iha departamentos ne’ebe mais difisil. Maioria kontinua depende ba Portugal, balun seidauk hotu nia kursu maibe fo ona assesoria ba instituisaun estadu nia iha Timor .
Tanba ne’e, Vise Ministru Marcal dehan, ba futuru UNTL pretende investe iha formasaun partikularmente iha area direito no agrikultura, kolaborasaun ho universidade de Minho e Coimbra Portugal nian.
“Iha Timor, ita nia universidade balun seidauk bele intreperta lei, tanba ne’e Fakuldade Direitu tenke sai ekselente, see lae labele sai jurist,”dehan Vise ME Marcal..
Estudante UNTL husi Fakuldade Direitu, Zenatu Zeneves sente tristi tanba Vise Ministru Edukasaun nia argumentu la fundamentu tanba ne’e kulpa husi Ministeiru da Edukasaun ninian.
Tuir Zenatu, see universidade laiha kualidade, nusa mak Ministeriu da Edukasaun fo lisensa hodi hari universidade barbarak. ME mak tenke iha responsabilidade no resposabiliza. Laos mai atu insulta fali universidade no estudantes sira.
Zenatu mos sadik ME, see iha universidade laiha kulidade, entaun halo avalisaun no fo rekomendasaun tenke hadia. See Universidade lakoi hadia, tenki taka tiha deit. Maibe husu ME bele aplika ka lae? Ne’e mos fila fali ba ME.
“Ohin nia (Marcal) mos la esplika tanba saida mak universidade laiha kualidade. Hare husi parte ne’ebe, nia la esplika. Fo sala deit ba universidade ne’e laos ema politiku diak,”Zenatu komenta.
