Dili sei nafatin nakonu ho foer inundasaun iha odamatan

Radio, online – Dili hanesan kapital nasaun Timor-Leste sei nafatin nakonu ho foer. Iha IV governu konstitusional aprova ona lei hodi aplika, iha Sesta-Sesta  halo limpeza jeral maibe foer namkari iha Dili laran.

Vise Diretor Sosiedade Sivil Haburas, Antonino de Lima hatete, problema foer iha sidade Dili seidauk resolve bele resolve, tanba sidadaun no loja nain sira seidauk konsensia soe foer iha nia fatin no komunidade balun sei husik animal arbiru deit.

“Hau hanoin koalia konaba programa governu ba foer sei mosu nafatin no sai at liutan, fatin sira ne’ebe mak fatin ba lisu ne’e liu-liu bairu sira ne’ebe iha sentral no foer ne’ebe mak komunidade sira ba soe animal(fahi,asu red) ba sukit hodi fo impkatu ba saude ambiental, ne’e risku boot tebes ba ita nia saude,”dehan Antoninu de Limas ba ekipa treinamentu reportazen Direitus Humanus no reportazen sensivel ba konflitu, iha nia knar fatin Palapasu, Dili, Kuarta (30/10).

João Freitas Belo nudar komunidade suco kolmera hatete, nudar joventude ba nasaun ida ne’e labele hein ou sadera deit ba planu governu nian hodi halao sevisu maibe oinsa mak partisipasaun sidadaun nian hodi hamos foer nune’e bele iha mudansa ba oin diak liutan.

“Ita nudar joventude nia papel ne’ebe mak boot kontribui ba nasaun ida ne’e laos deit hare ba kestaun importante deit mais meus ida ne’ebe mak iha hamos foer,baleta  iha ita nia bairu,”João hatete.
Iha opurtunidade ne’e nia rekomenda mos ba governu atu kria lei ida ne’ebe mak atu regula para labele soe foer arbiru nune’e bele hadook-an husi moras.

“Governu presiza hatur lei ne’ebe mak forte ba sidadaun hothotu. ba foer nune’e iha artigu ruma bele garante ba sidadaun hotu bele soe foer iha nia fatin, ou bele multa,”nia dehan.

Nune’e mos Alfredo Martins ne’ebe servisu iha loja Rosa iha Kolmera haktuir, kestaun foer ema hotu nia responsabilidade nune’e tenke iha konsiensia atu labele soe foer arbiru, foer tenki soe iha nia fatin.

“Ami nia foer husi loja ne’e, ami akumula iha fatin ida deit ne’ebe mak tau iha karosa depois ami lori ba soe iha lisu, lisu ne’ebe governu monta ona,” nia hatete.               

Maibe hare ba realidade iha tempu udan tau rai, foer sai impaktu boot hodi hamosu inundasaun tanba foer sira tama ba valeta hodi halo intupidu ba bee nia lao. Foin dadauk Prezidenti da Republika Taur Matan Ruak, fo sai katak see mak soer foer sei multa.

Partisipante treinamentu reportazen Direitus Humanus no reportazen sensivel ba konflitu

Grupo I:
1.    Eugebio de Oliveira
2.    Cristovão Soares
3.    Cipriano Mesquita
4.    Fatima A. Pereira