Pasajeirus Terminal Lesidere halerik

Radio, online – Tama ba loron finadu (matebian sira) pasajeiru parte Leste iha Terminal Lesidere halerik ba transporte publkiku hanesan Bus Diresaun Dili Baucau uitoan. Impkatu husi menus transporte publiku  ne’e pasajeirus barak mak loron rua ona la hetan bus.

Jose Gama nudar komunidade sente triste tanba  hein kareta durante loron rua nia laran maibe to’o agora seidauk ba Baucau.

“Ami komesa hein horseik dadersan to’o agora maibe bus la iha atu tula ami,”dehan Jose ba ekipa treinamentu reportazen Direitus Humanus no reportazen sensivel ba konflitu, iha Terminal Lesidere, Kuarta (30/10).

Nia hateten ,iha loron bai le’et bis mak hadau malu pasajeiru maibe wainhira tempu loron bo’ot hanesan finadu no natal bis balun deit mak halai.

“Tanba ne’e ami hakarak husu ba ministeriu kompetente atu kria kondisoens ba ami atu nune’e iha tempu lorn bo’ot hanesan ne’e bele fasilita ami,”Jose rekomenda.

Tuir nia, bis husi diresaun Dili ba Baucau barak maibe tempu loron bo’ot hanesan Finadu no Natal, sofer no ajudanti sira halo-an ona la kohi halai ona.

Entertantu okundotor Bis Lelena, Julio Ximenes informa katak bis diresaun parte leste ninian barak maibe tanba Pasajeiru barak entaun bis barak mak fila hotu tiha ona.

“Ami laos dehan la tula sira maibe tanba ema barak entaun hadau malu deit,”Julio dehan. Nia hateten se mak hakarak atu ba lalais tenki isin moris hadau malu tanba ema barak.

“Ami nia konjak sira agora la hadau malu tan pasajeirus hanesan loron bai le’et sira maibe agora pasajeirus sira mak tenki  isin moris hodi hadau bis oinsa para hetan kadeira,”dehan kondutor Bus Lelena.

Tanba ne’e nia husu ba pasajeiru sira la bele fo sala ba okundotor no konjak sira tanba ema barak mak hakarak atu ba distritu.

Iha fatin hanesan Rui Jose Soares hatete katak, ita hare rasik ho matan, iha loron bai-bain ema nunka se barak hanesan loron bo’ot sira, maibe agora iha loron bo’ot sira hanesan Finadu, Natal, no loron seluk tan, pasajeirus sempre hadau malu transporte.

Nia dehan se ita la hadau malu entaun la hetan transporte, durante ne’e hau halao servisu iha distritu Baucau, mas loron finadu, hanesan loron ida  importante, hau tenki ba iha moris fatin.

Agora iha fatin ne’e, tanba foin mai husi distritu Baucau atu ba fali Distritu Ermera, so ke atu ba fali distritu Ermera  araska uitoan, tanba terminal tasi-tolu hanesan ne’e ema sempre barak maka hadaunmalu kareta iha ne’eba.

Tuir observasaun TLMDC nian ba iha Terminal Lesidere nota katak, pasajeirus kuaje ema hamutuk 100 ida resin mak hein hela bus, maibe bus rua deit mak halo operasaun. Wainhira ekipa TLMDC tenta atu konfirma asuntu ne’e ba iha parte polisia tranzitu nasional, maibe komandante inspektuk Antonio M.C soares la iha fatin refere.

Partisipante treinamentu reportazen Direitus Humanus no reportazen sensivel ba konflitu
Grupo II:
1.    Ezequel Freitas Sarmento
2.    Raimundo Sarmentu Fraga
3.    Manuel Sarmento Gusmao
4.    Teodosia dos Reis Ximenes