Aban, KOTAK harame Dili ho kantiku 15

Radio, online – Liu husi selebrasaun loron feto nasional Timor-Leste Sekertariu Estadu Promosaun Igualdade (SEPI) konvida banda muzika husi grupo KOTAK, Indonezia sei lori kantiku 15 hamutuk ho artista Timor oan hodi harame komunidade Dili, Kinta, (7/11).

Liu husi konferensia da emprensa iha Otel Timor Kuarta, (6/11), Vokalis KOTAK, Tantri Yalindri Ichi dehan, KOTAK sei harame loron nasional feto TL hodi lori kantiku 15. Muzika haduluk mak ho titlu espesial.

Konsertu muzika sei halao Kinta (7/11) halao iha Palasiu Governu oin hodi anima povu Timor-Leste selebra loron mundial feto Timor-Leste nebe selera iha loron 3 de Novembru bad ala 36.

“Obrigado barak, primeiraves mai TL, ami hein katak, aban  ami bele anima povu TL liu husi muzika,”dehan Tantri.

Iha oportunidade ne’e mos artista KOTAK bele koinese direitamente grupu artista Timor oai hodi koinese malu ho diak fahe esprensia  ba malu. “Kontenti ita bele koinese malu no koinese diak liutan kultura TL,”Tantri apresi.

Manajer KOTAK, Aldi informa katak, nia  parte mos sente kontenti, tanba pela primeiraves KOTAK simu konvite husi governu TL hodi mai TL. “Ami agradese bele konvida ami mai hodi anima povu sira,” nia hatete.

Nune’e mos artista Cidalia Gama hato’o agradese ba SEPI hodi halo sira hamutuk ho KOTAK atu anima povu TL. “Ba feto TL, mai ita hamutuk dezenvolve ita nia nasaun,” katak Cidalia.

Nune’e mos Kordenador Grupu Art, Nelson Turquel hato parabens ba feto TL hotu nebe selebra sira nia loron nasional feto.

Nune’e mi os Grupu 5 Doriente, Paulo kontente sei didika muzika oin-oin hodi anima feto TL nia loron. Grupu artista Timor oan nebe partisipa maka, Dejukdil, Cidalia, Ofelia, 5 de Oriente, Tuber’s 69, Galaxy no The Art.

Nune’e mos Xefi Gabineti SEPI, Leozita da Costa  husu ba povu Timor-Leste atu partisipa iha konsertu muzika ne’e hodi selebra loron nasional feto TL ho diak liutan.

“Prosesu luta mak hodi disidik loron nasional feto, liu husi heroina Maria Tapo mate iha linha de fogo, hodi defende TL ba ukun rasik-an,”dehan Xefi Gabinete SEPI ne’e.

KOTAK ho nia kompostu mak hanesan Vokalista Tantriyalindri, Bass Suasti Sabestantri, Gitaris Mario Marcella no manager Aldi Noviyanto.