Radio, online – Durante iha komarka Cipinang, Jakarta Eis Komandate-Xefe Falintil Kay Rala Xanana Gusmao iha 1994 ho kreativu pinta uma adat Timor-Leste no dezenhu ne’ebe furak ho ambiente. Pintura ne’e agora lori mai halo’ot iha Muzeum da Rezistensia.
Hafoin pintura ne’e hasai klandestinamente husi prizaun no haruka hanesan prezente aniversariu nain ba Jose Ramos Horta iha Nova Iorque loron 26 Dezembru 1999.
Hafoin pintura ne’e entrega ona, husi Sr. Jose Ramos Horta, ba favor husi organizasaun Fundu Isin Diak, ho institute hanesan apoiu iha rekolla fundus hodi projete sira ba area saude no edukasaun nian iha Timor-Leste.
Importansia istoria rekoinesidu iha obra ne’e halibur hamutuk vontade nian ida hodi garante ninia entrega ba Timor-Leste. Prosesu ne’e mak konsege konkretiza ho apoiu husi individu bara-barak ho instituisaun sira.
Depois entrega pintura ne’e, PM Xanana ho sentiment emosaun tanba bele hare fila-fali pintura ne’ebe bele hare fila fali no sai tiha sasan istoria hodi halo’ot iha muzeum.
“Ita tenki apresia tebes sasan ema nian tiha ona, maibe iha hanoin hodi entrega mai fali ita hodi taun iha ita nia muzeum sai istoria iha resistensia ne’e,’dehan PM Xanana.
Liu husi reprezentante Embassador Australia mai TL, Tony Lendon dehan, organizasaun Fundu Isin Diak, Rotary Internasional no The University Sydeny iha hanoin katak, obra Eis Komandante da Luta nian ne’e merese tau iha Muzeum hodi sai istoria tutan ba tutan iha prosesu ukun-an ne’e.
