Radio, online - Atu hasa’e responsabilidadi no partisipasaun foin sa’e sira nian iha prosesu dezenvolvimentu, demokrasia no hametin pas iha komunidadi nia leet, Search For Common Ground (SFCG), halao lansamentu programa Babadok Rebenta ba II Periodu.
Programa radio ho naran babadok rebenta sei foka liu ba aktividades foinsae sira nian.dehan Diretora USAID Sandra Minkel liu husi seremonia lansamentu Babadok Rebenta iha Sesta (15/11) iha salaun UNPAZ.
Diretora USAID Sandra Minkel hatutan tan katak USAID sente kontente tebes no orgulho tebes e suporta bo’ot ba aktividade Lancamento Babadok Rebenta ida ne’e hanesan seria foun.
Sandra Minkel esplika liu tan katak, Radio sai nu’udar media ida ne’ebe mak bele kobre ema hotu iha Timor-Leste, e ita oinsa atu uja radione’ebe mak efktivu, e liu husi kombinasaun Radio nian ne’e koalia foka liu konaba aktividades ne’ebe mak sai nu’udar pontos importante ba joventude sira, liu husi ida ne’e oinsa hari’I dame, faze hari’I dame ba iha audiensia foun sira.
Liu husi aktividade ida ne’e oinsa joven sira bele tuur hamutuk buka dalan hodi kolabora no rezolve sira nia problema rasik.
Agora dadaun Joven Timor sira enfrenta difikuldade oioin no obstakulu oioin, ezemplu hanesan ita atu hetan edukasaun ne’ebe diak, oinsa atu hetan serbisu ne’ebe diak no mantein ba serbisu ne’e rasik, maibe klaru katak atu responde ba inisiativa tenke lori tempu joven sira nia tamba sira mak sai nu’udar pontu determinante ida, hodi nune’e ita bele hamutuk hetan nasaun ne’ebe kreativu no inisiativu.
Iha fatin hanesan Director SFCG (Search for Common Ground) Francisco Sousa hateten katak Babadok Rebenta nia objektivu mak sai hanesan sarana ou alat ida ba iha joventude foin sae sira para hodi bele hato’o sira nia opiniaun e bele hato’o sira nia ideia, tamba iha pakote juventude ne’e rasik ida ne’e koalia konaba isu, koalia konaba desafius sira ne’ebe mak joven sira hetan area edukasaun nian, iha area desempregado nian, no iha area seluk-seluk tan.
Direktor SFCG ne’e esplika tan katak Bainhira joven sira rona programa Babadok rebenta sira bele aprende, hatene no mos sira bele kritika liu-liu konaba isu hirak ne’ebe maka stania iha sira nia komunidade sira.
Programa Babadok Rebenta ne’e sei koalia konaba foinsae sira, No sei produs iha episode 24, trasmite iha radio komunidade iha distritu 13 inklui Radio RTTL, Radio Liberdade Dili, Radio UNPAZ, Radio Jojo FM. Programa ne'e bele rona mos iha Podcast www.radioliberdadedili.com.
Programa Babadok Rebenta rebenta realiza tamba servisu hamutuk entre SFCG ho TLMDC no hetan suporta finanseiru husi USAID.
