F-FDTL nain 3 too iha Uganda atu serve misaun UNMISS hanesan MILOB

F-FDTL nain tolu ho Senhor Antonio de Oliveira, MONUSCO, iha Entebbe, Uganda. Photo E Santos.Kinshasa, Raliber Online – Membru nain tolu Falintil-Forças de Defesa de Timor Leste ka (F-FDTL) iha tersa nee too iha Entebbe, Uganda (regiaun Africa Leste), sira hetan bem vindu husi Timor oan sira nebe mak serve ONU iha fatin nee.

Membru F-FDTL nain tolu nemak Major: Vitorino, Marques no Luis.

Bainhira Raliber online nia representante iha Africa simu telephone hosi membru F-FDTL Maj Marques, nia haktuir katak sira hetan bem vindu hosi maluk Timor oan sira nebe iha fatin nee, no sira nain tolu sei hakat ba Uma Timor iha Uganda depois mai halo apresentasaun iha Misaun ONU regional Entebbe, Uganda.

Membru F-FDTL nain tolu nemak Major: Vitorino, Marques no Luis. Photo E SantosUma Timor nee fatin ida nebe aluga hosi Timor oan sira nebe mak serve misaun ONU nian iha parte Africa Leste no Africa central hanesan misaun: MONUSCO, UNAMID, no UNMISS.

Tuir representante Timor oan nebe servisu iha rejiaun misaun ONU nian iha Entebbe, senhor Ezme Santos Borges (eis keyboard cinco de oriente) katak nia no Timor oan sira iha neba sei fo indusaun konaba rai Africa.

Nune mos loron tuir mai sira nain tolu sei kontinua halo indusaun hosi ONU nian para apresenta ba sira situasaun no vida iha Africa no liu-liu ONU nia misaun UNMISS nebe sira atu aranka ba.

Entebbe hanesan municipu ida iha nasaun Uganda, nebe mak malirin hanesan Maubisse, no nia ema sira respeitozu no ema moris iha pas no estabilidade nia laran, fatin nee sai hanesan rejiaun ONU nian iha Africa. (Arsen)