Jose Luis Guterres simu Luis Campos Ferreira

Radio, online - Ministru Negosiu Estranjeiru no Kooperasaun (MNEK), Jose Luis Guterres simu vizita kortezia husi Sekretáriu Estadu Negósiu Estranjeirus no Kooperasaun Portugal, Luis Campos Ferreira vizita hodi reafirma kooperasaun bilateral entre Timor-Leste ho Portugal.

Vizita ofisial husi Sekretáriu Estadu Negósiu Estranjeiru no Kooperasaun Portugal, iha loron Tersa (26/1). Iha Praia Coqueiros Dili. 
 
Iha inkontru entre lider diplomata nasaun rua, Ministru Negosiu Estranjeirus no Kooperasaun  Jose Luis Guterres ho Sekretáriu Estadu Negósiu Estranjeirus no Kooperasaun Portugal, Luis Campos Ferreira koalia sobre kooperasaun nasaun rua nian ba future no hare liu tan servisu ne’ebé mak lao tiha ona entre rai rua.
 
Ministru Negosiu Estranjeirus no Kooperasaun, Jose Luis Guterres fo bemvindo ba Luis Campos Campos ho nia delagasaun.
 
“vizita sekretariu estadu atu avalia kooperasaun hodi hametin relasaun kooperasaun ita ho Portugal iha varias areas, aliende nee koalia sobre mos apoiu Portugal nian ba simeira CPLP ne’eb’e mak sei halao iha Timor Leste,”katak Ministru Jose Luis Guterres.
 
Vizita sekretariu estadu nian mai Timor Leste hodi partisipa mos iha aniversariu proklamasaun uniltaral indepedensia Timor Leste nian ba dala-38 no tinan 30 levantamentu Kraras iha distritu Viqueque ne’ebe mak sei selebra aban 28 Novembru 2013.
 
Purtantu sekretariu estadu negosiu estranjeirus no kooperasaun, Luis Campos Ferreira hatete oportunidade vizita koalia sobre relasaun bilateral entre Portugal ho Timor Leste iha area ekonomia ba projetu 15 ne’ebé mak oras ne’e investe iha Timor Leste ba dezenvolvementu lian Portugues, kooperasaun iha area justisa, ekonomia, agrikultura, industria no seluk tan.
 
“Importante kooperasaun Portugal ho Timor Leste hodi hasa’e dezenvolve ekonomia no hadiak povu nia moris,” tenik Luis Campos.