Radio, online - Atu bele asesu ba informasaun ne’ebe korektu kona-ba HIV/SIDA no hetan teste HIV nian ida nudar xave atu hamenus Virus HIV ne’ebe mosu iha Timor-Leste, dehan Diretor Klínika Marie Stopes International TL (MSITL) Marianne Kearney hatete lia hirak ne’e iha loron mundial SIDA nia, iha dia 1 fulan Dezembru ba tinan ne’e.
“Sekarik ita bo’ot sira iha dúvida ruma kona-ba ita bo’ot sira nia estatutu ba HIV/SIDA, mai no kualia ho ami iha ami klínika, ka kontakta ami liu husi ami liña foin-Sa’e , tenik Fernanda Maria Serra,Koordenador Klinika MSITL nia
Ida ne’e importante atu hetan informasaun, no hetan saida mak ita ita-bo’ot sira presija atu halo, duke husik moras hirak ne’e dezenvolve,” Fernanda Maria Serra hatutan
Iha Timor –Leste bain-bain HIV transmitidu liu husi relasaun sexual. Virus HIV ataka ema ida nia sistema imunidade/kekebalan tubuh, no sekarik la hetan teste no tratamentu, ema ida bele sai moras ho infeksaun balun.
Ho informasaun ita bele tau matan ba ita nia saude diak liu tan ba tempu naruk no hamenus ninia risku transferensia nia ba ita-bo’ot sira nia parseiru ka imi nia oan ne’ebe seidauk moris mai.
Iha tinan 2011, Estudu iha nasaun barak kona-ba network (jaringan) ba koko prevensaun HIV nia hatudu katak antiretroviral sira (ARVs) hamenus transmisaun HIV ate 96% entre fe’en ho la’en ne’ebe parseiru ida ho HIV positivu no ida fali la infekta.
Marie Stopes nia programa ba akonselamentu no teste HIV nia hetan suporta husi the Albion Center. (ami laiha fundu husi Ausaid ba ida ne’e), Liña Foin-Sa’e hetan fundu husi Governo Australian no Timor Telecom. ***
