Media hanesan fator determinante halo influenza sosial, kultura nomos mudansa sosiadade nia moris

Sekretaria Estadu ba Promosaun Igualidade (SEPI),hamutuk ho Sekretaria Estadu Komunikasaun Sosial (SEKOMS),Centro de Formacao Tecnica em Comunicacao(CEFTEC)no NGO Internasional paz y Desarollo(PyD),organija Workshop ho tema “Media ho prespetiva jeneru”,iha salaun konferensia Timor plaza Dili,Kuarta feira ,loron 12 marsu 2014. “Hau sente orgullu tebe-tebes ,tanba media imprimi no eletronika ,husi Dili no distritu 13 marka prezensa iha ne’e,atu fo ideia ,hanoin kritiku ,estratejiku no konstrutivu konaba promosaun igualidade jeneru iha Timor-Leste”, hateten Sekretaria Estadu Promosaun Igualidade , Idelta Maria Rodrigues iha nia diskursu. Idelta saliente liutan katak, “liu husi media komunikasaun sosial ema hotu bele hatene progresu dezenvolvementu nasional, hanesan fator determinante atu influensia politika sosial kultura iha nasaun ne’e , media mos mak bele halo mudansa ba sosiadade nia moris”. Iha fatin hanesan, Sekretaria Estadu Komunikasaun Sosial (SEKOMS),Nelio Isaac Sarmento rekuinese media nia papel importante atu promove igualdade jeneru .maske nune’e media sira mos presiza atu halo evaluasaun konaba papel media nia rasik. Nelio hatutan “Governu kria kondisaun atu fo treinamentu konaba igualidade jeneru ba media sira no husu ba organizasaun media sira, atu bele tau atensaun ba manual kobertura konaba reportajeng sensitive generu”. Iha deskursu, Diretor Paz y Desarollo carlo Condeli mos senti orogulhu bele halo servisu hamutuk ho instituisaun guvernu iha organija work shop ne’e. Marka prezensa mos iha Workshop ne’e,Adjuntu provedoria direitus Humanus no justisa, prezidente Konsellu Administrasaun RTTL ep Milena Abrantes Gonzaga, Diretor Paz y Desarollo carlo Condeli ,Director media, jornalista sira, Director Nasional no Xefe Departamentu sira husi instituisaun Governu nian no instituisaun seguransa Estadu nian, inklui radio komunidade husi Distritu sanulu resin tolu.