Influensia drama radio aumenta konsiensia foinsae redus problema iha rai laran

 Drama radio nudar mediu ida atu bele halo mudansa ba foinsae sira husi konflitu ba harii paz iha sira nia komunidade. Iha abertura Director Search For Common Ground (SFCG) Francisco Souza haktuir kona ba kontiudu husi drama radio ne’e katak “Drama radio karau dikur ba dame ou KDD ba dala rua ida ne’e nudar programa ida ne’e be mak bele influensia partisipasaun joventude hodi promove estabilidade”. Director ne’e hatutan tan katak “Drama radio ne’e hetan apoiu fundus husi USAID,no drama ne’e nudar dalan alternativa iha buka solusaun konflitu liu husi difulga informasaun atu hasae partisipasaun husi komunidade konaba problema nomos dezafiu nebe mak joven sira hasoru liu husi sira nia moris lorloron,iha fatin seluk hasae konsensia joven sira nian liu-liu sira atu aprende hodi hakat liu konflitu hodi nune sira bele partisipa iha prosesu dezenvolvementu iha nasaun”. Radio drama karau dikur ba dame seria permeiru divulga ona iha ikus tinan 2011 ho 25 episode. Radio drama transmite ona iha radio privadu no radio komunidade sira iha Timor-Leste. Liu husi lansamentu ne’e Reitor UNDIL Antonio Masado mos hato’o ninia esperanca ba foinsae sira nia mudansa diak liu husi karakter nebe aprejenta liu husi drama radio ne’e. Reitor ne’e esplika liu tan katak “Laos atu rejolve dala ida maibe hanesan ita hotu nia perkupasaun neneik, bebeik maibe bele minimiza ka redus konaba problema nebe mak mosu iha ita nia rai laran”. Iha fatin seluk suportador fundus ba apoiu SFCG mos haktuir “Wainhira temi kona ba karau dikur, ita hotu hatene katak nia sentidu ne’ebe forte katak karau dikur ne’e forti hodi reprejenta ita bot sira nudar foinsae e seria husi drama ida ne’e foka liu konaba konflitus nebe akontese iha Timor-Leste no oinsa buka nia alternative ba solusaun no mudansa konflito ba paz”. Iha lansamentu KDD ne’e SFCG mos entrega sertifikado ba eskritora drama KDD seria segundu foinsae feto ida. Lansamentu ne’e halao iha loron Sesta 14/3/2014 husi Search For Common Ground ( SFCG) iha salaun UNDIL Dili. Tema iha laransamentu mak atu Hasa’e Responsabilidadi No Partisipasaun Foinsa’e Sira Nian Iha Prosesu Dezenvolvimentu, Demokrasia No Hametin Pas Iha Komunidadi Nia Le’et, SFCG Lansa Drama Radio Ho Thema “Karau Dikur Dame” Seria II.