Atu Promove Boa Governasaun, Timor-Leste sei Aprende Barak husi Singapore.

 

Hafoin hand over poder husi UNTAET ba governu Timor-Leste, husik hela fragilo sira, hahu husi I governu Konsitusional to agora tamba ne’e governu Timor-Leste tenke halo agenda reformasaun iha area importante rua mak hanesan reforma politika no administrasaun, atu realiza boa governasaun no kria administrasaun publiku ne’ebe servi ho diak ho nune’e bele aselera prosesu dezenvolvimentu ne’ebe responde duni nesesidade povu nian, Guvernu kria Sekeretariu Estadu Forlecementu Institusional (SEFI)”, Lia hirak ne’e haktuir husi Francisco Guterres Borlacu, Nia hatutan katak “Timor-Leste sei aprende barak husi Singapore tamba Singapore mak nasaun ki’ik ho ninia governasaun lao diak iha mundo rai klaran” lia hirak ne’e nia hatoo Iha abertura sorumotu ho media nasional kona ba papel SEFI iha V governu konstitusional, iha salaun ingkontru JL.Villa, iha loron 21/3/2014. Nune’e, Henriqueta, Asesor Nasional ba Sekeretariu Estadu Fortalecimentu Institusional isplika iha nia aprejentasaun katak “SEFI ho ninia papel importante rua, dahuluk atu ajuda guvernu Timor-Leste hari, monitorija no hadia sistema hodi instituisaun estadu sira iha kapasidade atu servi nasaun ida ne’e ho efikasia no efisiensia no iha transparansi no akuntabilidade. Darua fo asesoria no apoiu ba instituisaun estadu hotu liu prosesu konsultativa atu identifika problemas no dezenvolve solusoins”. Marcario Floriano Sanches, Asesor Nasional ba Sekeretariu Estadu Forlecementu Institusional Ba Apoiu Programa Desentralizasaun Administrativa No Poder Lokal mos isplika katak “Ami nia vijaun simples ida atu introdus ba politika Desentralijasaun Administrativa No Poder Lokal atu promove administrasaun ne’ebe efikasias, efektivu, professional no akuntabel iha nivel politika desentralijasaun administrative no poder lokal kuandu implementa iha ita nia nasaun”. Iha parte ikus sorumotu ne’e SEFI fo oportunidade ba lideransa sira media nasional atu husu perguntas no fo rekomendasoins ba SEFI. Sorumotu ne’ebe lao kuaje oras tolu ne’e partisipa husi Direitores Media, xefi sesaun media no Jornalista sira.