Dili, Radio Liberdade - Grupu Klibur Muzika Popular sei realize palku Muzika ne’ebe regularmente sei halao iha permeiru semana kada fulan no ida ne’e sei hahu iha loron 5 fulan Abril tinan 2014 iha asosiasaun HAK, farol, Dili.
Liu husi konferensia Imprensa ne’ebe halao iha Edifisio Hak Farol Dili, 3/4/2014, Domingos de Andrade, membru Grupu Klibur Muzika Popular hateten “Objectivu husi Palku Muzika Popular ne’ebe mak atu realiza mak atu dejenvolve aktividade ne’e, hodi fo valor ba muzika popular Timor ne’ebe mak hare hanesan atu lakon ona, katak kontribuisaun muzika popular nudar instrumentu ida ne’ebe mak kontribui tebes ba iha prosesu luta ukun rasik aan nian”.
Iha parte seluk Dircia Da Costa nudar responsavel grupu Palku Muzikal Popular mos haktuir katak “hakarak konvida maluk sira hotu husi grupo muzika sira, grupo teatru sira, dadolin nain sira no aiknanoik nain sira ne’ebe eziste atu bele hola parte iha palku muzikal popular“.
Dircia afirma liu tan katak “muzika mak reprezenta ita nia kultura husi sosiadade ida, Nune’e liu husi muzika ho orguillu valorize tebes ita nia identidade nudar Timor oan”.
Sisto hatutan tan katak “palku Muzika popular ne’e realiza la hetan suporta husi ema seluk maibe husi grupo hirak ne’ebe iha laran e la uja tiket maibe gratuita.
