Defensor Publiku Labele Husu Osan Bo’ot, Wainhira atende Povu Kiik no Kiak

Radio online. Lia hirak ne’e haktuir husi Primeira Dama Isabel Fereira iha seminariu nasional nebe mak realiza husi JSMP iha salaun Delta Nova 23/4/14. Primeira Dama afirma liu tan katak “atu asesu ba justisa depende ba autor justica sira atu iha komunikasaun ida diak,koordenasaun diak,komunikasaun ho kordenasaun laos ita kon kali kon para atu manan kazu ida ne’e laos mais halo nusa mak ita hare kazu ne’e tau matan ema Timor nian para fo’o justisa ida diak ba povu ida nebe buka justica para labele iha desizaun iha parte rua sente katak ida mak vitima ba desizaun ne’e”. Iha fatin hanesan Defensor publiku Sergio Hornai hatan perkupasaun husi Permeira Dama nia liu husi diskursu katak “atu alerta ba autoridade judisiariu sira liu-liu defensoria publiku no advogado privado sira para atu halo servisu ho karitativas,defensor publiku nia papel ida mak oinsa servisu ho karitativas para presta asistensia ida diak ba ita nia sidadaun sira”. Relasiona ho lamentasaun husi Primeira Dama, Jose Pedro Camoes, Sekertaria Geral Asosiasaun Advogado Timor-Leste (AATL), hateten katak “tuir lolos iha duni kombransa barak ou kombransa ilegais e mos la iha prosesu disiplinar hasoru advogado tamba in prinsipiu iha advogadu ami iha konseilu jestaun disiplinar advokasia ema la hato’o keisa bele iha kombransa barak no la manan kazu sira ne’e entaun konseilu ne’e mak seidauk prosesa advogadu sira mak halo mal pratika sira nia profisaun ida ne’e”.