Estatal Halao Inkontro Ho Kompanha Nasional

Radio, online - Ministeriu Administrasaun Estatal  ordenamento du Teritoriu (MAEOT), Liu husi Nasional Planning Officer PDL halao inkontro ho kompanha nasional  Distrito Dili  hamutuk 17 kona ba Projeito Programa Dezenvolvimento Lokal II (PDL). Enkontru ne’e halao iha edifisiu  Administrador Distrito Dili  Matadoru, Dili, Tersa, (/25/7).

 

Xefi Planeamentu Nasional Programa Dezenvolvimento Lokal ( PDL)  Jose Manuel Cardoso hateten, objetivu husi enkontro ne’e  atu  koalia kona ba kestaun tekniku  ba kompanha bele kompete no bele prepara dokumentus hodi submete ba Administrasaun Distrito Dili,  hodi nune’e bele halo avaliasaun atu bele hetan resultado diak.

Jose hatutan, antes  tama iha projetu PDL ne’e, Estatal rasik loke ona projeito 15  ne’ebe ninia prosesu hotu no hasai ona karta aseita ba kompanha ne’ebe manan tender. Ohin hanesan loron Tersa 26/7/11 nudar loron ikus ba projeito tolu. Projetu nee mak hanesan rehabilitasaun be’e Mos iha Metinaru,  hadia baleta iha Lecidere no rehabilitasaun valeta iha Parte Mascarinhas .

Tuir Jose, enkontru ne’e involve  kontrator Lokal hodi fahe esperensia  no informasaun atu oinsa bele  kompete didiak  iha prosesu  tenderisasaun  ho razaun programa Dezenvolvimento ne’e foin primeiru implementa hodi ne’e kompanha sira presisa asistensia.

“Kompanha sira ne’ebe atu hatama dokumentu tenki tuir kriteria  ne’ebe mak iha atu nune’e projeito refere iha kualidade ne’ebe diak .tamba  banhira governu gasta orsamentu  tenki iha resultadu ne’ebe diak,”nia husu.